सुरु भयो नयाँ शहर आयोजनाको काम

        दैलेख फागुन ३   |   प्रकाशित मितिः बिहिबार, फाल्गुन ३, २०७४     ::: 80 पटक पढिएको   |  

सरकारको मध्ये पहाडी राजमार्गमा पर्ने १० वटा स्थानमा नयाँ शहर निर्माण गर्ने आयोजना अन्तर्गत दैलेखको राकम कर्णालीलाई नयाँ शहरको रुपमा विस्तार गर्ने योजना यो वर्षबाट सुरु भएको छ । जग्गा मुआब्जाको विवादले लामो समयदेखि काम सुरु हुन सकेको थिएन । स्थानीय जग्गादाता र आयोजनवीच मुआब्जामा बिवाद मिल्न नसकेपछि अहिले रणनीति परिवर्तन गरेर काम सुरु गर्न थालिएको हो । नयाँ रणनीति अनुसार जग्गादाताले जग्गा प्रदान गर्नेछन् । कुल जग्गाको ३० प्रतिशत जग्गा सडक र अन्य पुर्वाधारमा मासिने छ र बचेको ७० प्रतिशत जग्गा जग्गाधनिलाई नै फिर्ता हुनेछ । यसलाई (ल्यायडपोलिङ्ग) का आधारमा तय गरिएको छ ।  स्थानीय सरकार गठन पश्चात अहिले आयोजनाले काम अगाडी बढाएको आठवीस नगरपालिका दैलेखका प्रमुख खड्गराज उपाध्यायले बताए । जनताको भेला गरेर आयोजना निर्माणबारे छलफल भएको छ । हरेक बर्ष आयोजनाका लागि रकम आउने र फ्रिज हुने प्रचलन थियो अव त्यो बन्दु गर्नुपर्छ र काम गर्नुपर्छ भन्दै आफुहरुले दवाव दिएको उपाध्यायले बताए । कतिपय रोक्का गरिएका जग्गाहरु फुकुवा भएका छन, अव नयाँ शहरले गति लिने अवस्था देखिएको छ ।

गत वर्ष आयोजनाले ६ करोड ६८ लाख रुपैयाँ विनियोजन गरेको थियो । सडक निर्माण, सार्वजनिक जग्गा संरक्षण लगायतका काममा रकम खर्च गरिएको छ । यो वर्ष पनि आयोजनाका लागि १० करोड रुपैयाँ प्राप्त भएको ईन्जिनियर संजिव शाहले बताए । यो वर्षको बजेटबाट सडक पूर्वाधार लगायतका कामहरु भैरहेको शाहले बताएका छन् । कामको अनुगमन र मुल्याँकन प्रभावकारी बनाउन स्थानीय सरकारले चासो बढाउनुपर्ने सुझाव स्थानीय बासिन्दाहरुले दिएका छन् । राकमकर्णालीको वडा नं. ४ सेरावाडा र वगर खेतमा नयाँ शहरका लागि आवश्यक पूर्वाधारहरु निर्माण गर्न डि.पि.आर सुरु गरिएको छ । निकै उब्जाऊ मानिएको जमिनहरु नयाँ शहरले मासिने भएपनि नयाँ शहर बसेपछि पहाडबाट बसाँई सरेर तराई जाने मानिसहरुको संख्या भने घट्ने आशा गरिएको छ ।





Leave a comment

Your email address will not be published.


*