महिला संघको स्थापना दिवसमा अन्तरक्रिया

          |   प्रकाशित मितिः बिहिबार, साउन २४, २०७५     ::: 159 पटक पढिएको   |  

दैलेख साउन २४,  ‘नेपाल महिला संघको योगदान, राष्ट्र निर्माण अभियान, सम्पूर्ण महिलाहरुको उत्थान नेपाली कांग्रेसको शान’ भन्ने मुल नारा सहित नेपाल महिला संघको ७१ औ स्थापना दिवसको अवसरमा दैलेखमा पनि अन्तक्र्रिया कार्यक्रम गरिएको छ । नेपाल महिला संघ जिल्ला कार्य समिति दैलेख द्धारा नेपाली कांग्रेस दैलेखको पार्टी कार्यालयमा आयोजित अन्तक्र्रिया कार्यक्रममा बोल्ने वत्ताहरुले अबको युग महिलाको युग भएको भन्दै उत्साहित हुन आग्रह गरेका थिए ।

कार्यक्रममा नेपाली कांग्रेसका नेताहरुले संविधानले महिलाहरुलाई धेरै अवसर दिएको भन्दै हिनता बोध नगर्न आग्रह गरे । उनिहरुले हरेक आन्दोलनमा महिलाले निर्वाह गरेको भूमिकालाई बिर्सन नसकिने बताए ।
कार्यक्रममा नेपाल महिला संघ दैलेखकी अध्यक्ष सिता रानाले महिला कमजोर नरहेको भन्दै हिम्मतका साथ अघि बढ्न आग्रह गरिन् । उनले नेपाल महिला संघले महिला सशक्तीकरणका लागि महत्वपूर्ण भूमिका खेल्दै आएको प्रष्ट पारिन् ।
कार्यक्रममा नेपाली कांग्रेस दैलेखका नेताहरुले आ–आफ्नो धारणाा राखेका थिए । नेपाल महिला संघ जिल्ला कार्यसमिति दैलेखकी अध्यक्ष सिता रानाको अध्यक्षतामा सम्पन्न कार्यक्रममा कांग्रेस नेता जगतजंग थापाको प्रमुख आतिथ्यता रहेको थियो ।

कार्यक्रममा महिला हक अधिकार स्थापित गराउन अतुलनिय योगदान पु¥याउने ‘स्व. मंगलादेवी सिंह – प्रेरणाकी एक मुल स्रोत’ विषयक कार्यपत्र प्रस्तुत गरिएको थियो ।





Leave a comment

Your email address will not be published.


*