दैलेखी युथ कपको पाँचौ संस्करण हुँदै

          |   प्रकाशित मितिः आइतवार, कार्तिक ११, २०७५     ::: 49 पटक पढिएको   |  

यस बर्ष  ‘प्रती गोल भ्रष्टाचार विरुद्धको बोल, प्रती सट महिला हिंसा तथा बाल श्रम विरुद्ध खट’ को नारा

दैलेख कात्तिक ११ ।
साामाजिक रुपान्तरणको अभियानमा सक्रिय सम्पूर्ण दैलेखी यूवाहरुको साझा समुह दैलेखी युथले प्रत्येक बर्ष आयोजना गर्दै आएको दैलेखी युथ कप खेल महोत्सवको पाँचौ संस्कार भोली (सोमवार) देखि सुरु हुने भएको छ । दैलेखी युथले आइतवार रिपोर्टस क्लव दैलेखमा गरेको पत्रकार सम्मेलनमा भोली देखि खेल महोत्सब हुने जानकारी गराएको हो । दैलेखी युथले यस बर्षको महोत्सबको नारा ‘प्रती गोल भ्रष्टाचार विरुद्धको बोल, प्रती सट महिला हिंसा तथा बाल श्रम विरुद्ध खट’ तय गरेको छ । भोली देखि कात्तिक १६ गते सम्म संचालन हुने महोत्सवमा तिन खेल समावेश गरिने दैलेखी युथका अध्यक्ष प्रेमबहादुर शाहीले जानकारी दिए ।
दैलेखी युथ कप खेल महोत्सवमा फुटबल तर्फ प्रथम हुनेलाई १ लाख १० हजार नगद पुरस्कार सहित ट्रफि, मेडल र प्रमाणपत्र दिईने छ । भलिबल तर्फ प्रथम हुनेलाई ५० हजार नगद पुरस्कार सहित मेडल र प्रमाणपत्र प्रदान गरिनेछ भने दोस्रो हुनेलाई २५ हजार पुरस्कार सहित मेडल र प्रमाणपत्र प्रदान गरिने दैलेखी युथका अध्यक्ष प्रेमबहादुर शाहीले जानकारी दिए । यसैगरि व्याटमिन्टन तर्फ प्रथमलाई नगद २५ हजार र दोस्रो हुनेलाई १२ हजार पुरस्कार प्रदान गरिने अध्यक्ष शाहीले जानकारी दिए ।
पत्रकार सम्मेलनमा बोल्दै अध्यक्ष शाहीले फुटबल मैदान विना प्रतियोगिता संचालन गर्न बाध्य भएको बताए । उनले हामीले २०७१ सालबाट निरन्तर दैलेखी युथ कप खेल महोत्सवको आयोजना गर्दै आएका छौ, पाँच बर्ष सम्म पनि फुटबल मैदान बन्न नसक्नु लज्जास्पद् भएको धारणा राखे ।
उनले दैलेखी युथ कप खेल महोत्सव आयोजना गर्दा आर्थीकको प्रमुख स्रोत टिम दर्ता भएको भन्दै दैलेखी युथका सदस्यहरुले समेत व्यक्तिगत रुपमा रकम संकलन गरेको बताए । उनले यस बर्ष महोत्सब आयोजना गर्दा जिल्लाका सबै स्थानीय तह र व्यक्तिगत रुपमा सहयोग माग्दा समेत सहयोग गर्न कसैले चासो नदिएको प्रति दुःख व्यक्त गरे । फुटबल मैदान निर्माणका लागि कसैले पनि चासो नदिएको दैलेखी युथका युवाहरुले गुनासो गरेका छन् । पत्रकार सम्मेलनमा समाजमा रहेका यूवाहरुलाई खेलका माध्यमद्धारा सामाजिक सशक्तिकरणतर्फ उन्मुख गराईने दैलेखी युथका यूवाहरुले बताएका छन् ।





Leave a comment

Your email address will not be published.


*