तरकारी खेती किराले नष्ट गरेपछी कृषक चिन्तित

        प्रविन शाही   |   प्रकाशित मितिः शुक्रबार, मंसिर १४, २०७५     ::: 25 पटक पढिएको   |  


दुल्लु मंसिर १३ 

तरकारी खेतिलाई जिविकोपार्जनको माध्ययम बनाउदै आएका ठाँटिकाँध गाउँपालीका –६ भडाचौरका कृषकले लगाएको तरकारी बालीमा किरा लाग्दा उनिहरु चिन्तित बनेका छन् । स्थानीय कृषकहरुले लगाएको मुला, टमाटर, गोपी, प्याज, काउलि, अदुवा, वेसार, भान्टा लगाएतका तरकारीमा किरा लागेको भडाचौरकी कृषक लक्ष्मी थापाले बताइन् । बारीमा लगाएको तरकारीमा किरा लागेपछि किरा नियन्त्रणका गाउँपालिकाले पनि चासो नदिएको थापाको भनाई छ ।

स्थानीय कृषक शारदा थापाका अनुसार गाउँपालिकाले तरकारी खेतीका लागि टनेल वितरण गरी तरकारी खेतीमा आधुनिक प्रविधि भित्¥याउने जनाएपनि अहिले सम्म कुनै कदम अगाडी नबढाएको बताइन् । आफुहरुले लगाएको तरकारी किराले नष्ट पारेको उनको भनाई छ । उनका अनुसार बारीमा लगाएको तरकारीको जरा र पात किराले सखाप पारेको छ । ‘झण्डै तीन समय मिटर टाढाबाट आफ्नै लगानीमा सिचाई गर्न पानी ल्याएका छौ, सिचाईका लागि अझै पनि पानीको अभाव झेलिरहेका छौ, लगाएतको तरकारी किराले खाएकै छ त्यसमाथी उत्पादित तरकारीले बजार पाउन मुस्किल छ, उनले भनिन् ।’

उनका अनुसार स्थानीय कृषकहरुले आलु प्रतिकेजी ३० रुपैयाँ, टमाटर १८, भान्टा २५ रुपैयाँका दरले सब्जीमण्डीमा विक्री गरेका छन् । दुःख गरेर उत्पादन गरेको तरकारीले उचित मुल्य नपाउने गरेको स्थानीय कृषकले दुःखेसो पोखेका छन् । तरकारी मण्डीले यहाँ उत्पादन भएको तरकारी मण्डीबाट आलुको प्रतिकेजी ४० रुपैयाँ र टमाटर २५ रुपैयाँका दरले सुर्खेत निर्यात गर्ने गरेका छन् । लगाएको तरकारीमा किरा लागेर कुहिएपछि आफुले घाटा बेहोर्नु परेको कृषक शेर बहादुर थापाले बताए ।

सोहि वडाका वडाअध्यक्ष मन बहादुर सिजापतीले अहिले स्थानीय सरकारसंग प्राविधिक जनशक्तिको अभाव रहेको बताउदै आगामी बर्ष देखि कृषि क्षेत्रमा भएका समस्याहरु समाधान गर्न पहल थाल्ने बताए । यस्तै गाउँपालिकाका उपाध्यक्ष सुस्मीता सिंहले प्राविधिक जनशक्तिको कमी भएको बताउदै तत्काल कृषि प्राविधिकहरु व्यवस्थापन गरेर किटनासक औषधी वितरण गर्ने बताइन् ।





Leave a comment

Your email address will not be published.


*