कृषि तथा पशु पर्दशनीमा अलैची देखि भुई स्याउसम्म

          |   प्रकाशित मितिः शनिबार, पुस ७, २०७५     ::: 65 पटक पढिएको   |  

दैलेख पुस ७– दैलेखको भैरवी गाउँपालिकामा आयोजित कृषि तथा पशु पर्दशनी कार्यक्रममा स्थानीय उत्पादनहरु प्रर्दशन गरिएको छ । गाउँपालिकामा उत्पादित अलैची देखी भुई स्याउ सम्मका कृषि तथा फलफुलहरु उक्त प्रर्दशनीमा राखिएको थियो । भैरवी गाउँपालिकाका विभिन्न वडामा उत्पादन भएका मुला, टमाटर, साग, काउली, बन्दा, सिमी, आलु, प्याज, टमाटर, धनिया, जाँजर लसुन लगाएतका कृषि जन्य बस्तूहरु प्रर्दशनमा राखिएको थियो । यस्तै पशु तर्फ खसी, बाख्रा तथा माछा प्रर्दशन गरिएको छ । यसैगरी फलफुल तर्फ केरा, कागती, मेवा, अमिलो, अलैची, उखु, बेलाउती, सुन्तला, भुई स्याउ प्रर्दशनमा राखिएको थियो । अन्य कृषि जन्य बस्तुमा छुर्पी, जडिबुटीको औषधी, ध्यू, अम्रीसो, टिमुर लगाएतका कृषिजन्य बस्तू प्रर्दशन गरिएको थियो ।
युवाको शान ः कृषकहरुलाई सम्मान भन्ने मुल नारा सहित आयोजना गरिएको गाउँपालिका स्तरिय कृषि तथा पशु पर्दशनी कार्यक्रममा भैरवी गाउँपालिकाका अध्यक्ष प्रेम बहादुर बुढाले कृषि क्षेत्रको सुधार र विकासले मात्रै मुलुकको समृद्धि सम्भव रहेको बताए । गाउँका जमिन बाँजो राखेर मुलुकको समृद्धि खोज्नु गलत भएको धारणा राखे । गाउँपालिकाका उपाध्यक्ष पदम कुमारी विष्टले कृषकहरुलाई व्यवसायिक बन्न आग्रह गरिन् । गाउँपालिकाका निमित्त प्रमुख प्रशासकिय अधिकृत विष्णुदेव गिरीले गाउँपालिका भित्र धेरै जमिन बाँजो रहेको बताउदै युवाहरु विदेश पलायन हुनुको साटो गाउँमै व्यवसायिक कृषि खेती संचालन गरे रोजगारीसँगै आर्थीक समृद्धि हुने बताए ।


पञ्चकोशी युवा संजालको आयोजनामा भएको उक्त प्रर्दशनी कार्यक्रममा पशुलापन तर्फ जगत बहादुर शाही प्रथम भएका छन् भने दिपक आचार्य द्धितिय, भुपेन्द्रप्रसाद अधिकारी तृतिय र विनु शाही सान्तोना भएका छन् । यस्तै अतिरिक्त तर्फ टिकाराम पौेल प्रथम, तिलकला शाही द्धितिय, धनरुपा शाही तृतिय भएका छन् । यसैगरी फलफुल खेती तर्फ पार्वती थापा प्रथम, देवीराम पौडेल द्धितिय, गोविन्द जैसी तृतिय, विन्नकला खनाल सान्तोना भएका छन् । ताजा तरकारी तर्फ नवराज विष्ट प्रथम, रविन्द्र थापा द्धितिय, भद्रा जैसी तृतिय र सावित्री भण्डारी सान्तोना भएका छन् ।


कार्यक्रममा विजयी कृषकहरुलाई पुरस्कार प्रदान गरिएको छ । उक्त कार्यक्रम भैरवी गाउँपालिका, एइअइएन लक्जेम्वर्ग, टिडिएच जर्मनी, पञ्चकोशी एकता समाज (प्रयास दैलेखको सहयोग तथा भैरवी गाउँपालिका कृषि तथा पशु शाखा र सामाजिक सेवा केन्द्र (सोसेक) नेपाल दैलेखको समन्वयमा सम्पन्न भएको हो ।





Leave a comment

Your email address will not be published.


*