दुई बर्ष पछि नारायण नगरमा इजलास कक्ष संचालन

          |   प्रकाशित मितिः शुक्रबार, जेष्ठ ३, २०७६     ::: 13 पटक पढिएको   |  

अमर सुनार, दैलेख– जिल्ला समन्वय समितिका प्रमुख प्रेमबहादुर थापाले नारायण नगरपालिकाको न्यायिक इजलासको एक औपचारिक समारोहवीच उद्घाटन गर्नुभयो । उद्घाटन कार्यक्रममा प्रमुख थापाले इजलासको सजावट जस्तै न्याय प्रभावकारी दिन सुझाव दिनुभयो ।
कार्यक्रममा दैलेखका प्रमुख जिल्ला अधिकारी लक्ष्मीप्रसाद बासकोटाले संविधानले कार्यपालिका, न्याय र व्यवस्थापिका समेतको अधिकार दिए अनुसार स्थानीय तहहरुले सेवा प्रवाहमा गतिशीलता ल्याउनु पर्ने आवश्यकता औल्याउनुभयो । नारायण नगरपालिकाका उपप्रमुख एवं न्यायिक समितिका संयोजक सावित्री मल्लको अध्यक्षतामा भएको न्यायिक इजलास उद्घाटन कार्यक्रममा सहन्यायाधिवक्ता द्रोणदत्त पौडेल, नेपाल बार एशोसियसनका जिल्ला अध्यक्ष यामराज थापा, पत्रकार भूपेन्द्र शाही र नारायण नगरपालिकाका प्रमुख प्रशासकीय अधिकृत जगत बस्नेतले पनि बोल्नुभएको थियो ।
नारायण नगरपालिकाले इजलास व्यवस्थापन लगायतका काममा १० लाख खर्च गरेको तर न्यायिक समितिको कामलाई सघाउन नियुक्त गरेका अधिवक्ता हरिबहादुर खत्रीलाई पाँच महिनादेखि बिना पारिश्रमिक काम गराइरहेको छ । संघीय मामिला तथा सामान्य प्रशासन मन्त्रालयले कुनै सल्लाहकार वा करारमा कुनै कर्मचारी नराख्न गरेको परिपत्रको कारण तलव सुविधा दिन नसकेको नगरपालिका प्रशासनले जनाएको छ ।





Leave a comment

Your email address will not be published.


*