असमावेशी लोकसेवा आयोगको विज्ञापन विरुद्ध ज्ञापन पत्र

          |   प्रकाशित मितिः मङ्लबार, साउन २१, २०७६     ::: 59 पटक पढिएको   |  

दैलेख साउन २१
लोक सेवा आयोगले प्रकाशित गरेको विज्ञापन असमावेशी भएको भन्दै देशभर विरोध कार्यक्रमको क्रम बढेको छ । दलित नागरिक समाज, पञ्चकोशी अपाङ्ग विकास मञ्च र आदिवासी जनजाति महासंघले जिल्ला प्रशासन कार्यालय दैलेख मार्फत आज नेपाल सरकारलाई ज्ञापनपत्र पठाएको छ ।
व्यानर सहित पुगेको टोलीले दैलेखका प्रमुख जिल्ला अधिकारी युवराज कट्टेललाई सो ज्ञापनपत्र बुझाएको हो ।

ज्ञापनपत्र दलित अधिकारकर्मी मनीषा सोनीले प्रमुख जिल्ला अधिकारी कट्टेललाई हस्तान्तरण गरिन् । कट्टेलले सरकारको ध्यानाकर्षण भएको बताए । विज्ञापनमा दलित, जनजाति, मधेसी, मुस्लिम, महिला, अपाङ्गता भएका व्यक्तिलाई यस अघि पाउदै आएको आरक्षण नदिइएको कारण सरकारलाई सचेत गराउन बिरोध जनाउनु परेको पञ्चकोशी अपाङ्ग विकास मञ्च अध्यक्ष रत्न शाहीले बताए ।
संघीय लोकतान्त्रिक व्यवस्थामा यस अघि पाउदै आएको आरक्षण कटौती गरेकोमा आपत्ति जनाउँदै २०५८ देखि दिंदै आएको आरक्षण लागू नगरे आन्दोलनलाई सशक्त बनाउदै लिइने दलित अगुवा पत्रकार अमर सुनारले टिप्पणी गरे ।





Leave a comment

Your email address will not be published.


*