रवी लामिछाने सहित ३ जनालाई अनुसन्धानको लागि ५ दिन हिरासतमा राखिने

          |   प्रकाशित मितिः शुक्रबार, साउन ३१, २०७६     ::: 22 पटक पढिएको   |  

चितवन साउन ३१ – चितवन जिल्ला अदालतले रवी लामिछाने सहित ३ जनालाई अनुसन्धानका लागि भन्दै ५ दिन हिरासतमा राख्न म्याद थप गरेको छ । न्यायाधीश विनोदकुमार शर्माले बिहीबारदेखि नै लागू हुनेगरी ५ दिन हिरासतमा राख्न म्याद थप गरेका हुन् । शुक्रबार बिहान भएको बहसको आधारमा रवी सहित ३ जनालाई अनुसन्धानको लागि म्याद थपिएको हो । तीनैजना प्रहरी हिरासतमा रहनेछन् ।

प्रहरीले बिहीबार बेलुकी टेलिभिजन कार्यक्रम प्रस्तोता लामिछानेलाई कार्यालयबाटै पक्राउ गरेर चितवन लगेको थियो। चितवन र काठमाडौं प्रहरी परिसर टोलीले लामिछाने र पत्रकार युवराज कँडेललाई बिहीबार पक्राउ गरेको थियो।
लामिछाने र कँडेललाई अर्का पत्रकार शालिकराम पुडासैनीको आत्महत्यामा दुरुत्साहन गरेको अभियोगमा अनुसन्धानका लागि नियन्त्रणमा लिएको थियो। आत्महत्या दुरुत्साहन अभियोगमा अस्मिता कार्कीलाई बिहीबार दिउँसै प्रहरीले नियन्त्रणमा लिएको थियो।





Leave a comment

Your email address will not be published.


*