नेपाल प्रहरीले माग्यो ३८ सय कर्मचारी

        काठमाडौं ।   |   प्रकाशित मितिः शुक्रबार, भदौ ६, २०७६     ::: 121 पटक पढिएको   |  

६ भदौ, काठमाडौं । नेपाल प्रहरीले नयाँ भर्ना खुल्ला गरेको छ । प्रहरी जवान, कार्यालय सहयोगी र खेलाडी पदहरुका लागि नेपाल प्रहरीले शुक्रबार ३ हजार ८ सय ३१ जनाको लागि नयाँ भर्नाका लागि दरखास्त आव्हान गरेको हो ।
खुल्ला प्रतियोगिताद्वारा समावेशी प्रावधान अनुसार प्रहरी जवानमा ३ हजार ५ सय ९६ जना र प्रहरी कार्यालय सहयोगी तथा खेलाडीतर्फ २ सय ३५ जनाका लागि दरखास्त आव्हान भएको छ ।

प्रहरी जवान र प्रहरी कार्यालय सहयोगी पदका लागि राष्ट्रिय प्रहरी प्रशिक्षण प्रतिष्ठान महाराजगंज, महानगरीय प्रहरी परिसरहरु काठमाडौं, भक्तपुर र ललितपुर, ७ वटै प्रदेश प्रहरी तालिम केन्द्रहरु विराटनगर, जनकपुर (हाल राजविराज सप्तरी), दुधौली सिन्धुली, पोखरा, बुटवल, सुर्खेत (हाल नेपालगंज) र दिपायल तथा ७४ वटै जिल्ला प्रहरी कार्यालयहरुमा दरखास्त फारम पाइने र बुझाउन सकिने छ । भदौ ९ गतेदेखि असोज १३ गतेसम्म सम्बन्धित कार्यालयहरुमा दरखास्त फारम लिन तथा बुझाउन सक्ने प्रहरी प्रधान कार्यालयले जनाएको छ ।





Leave a comment

Your email address will not be published.


*