बडादशैको सातौँ दिनः दैलेखमा यसरी फुलपाती भित्र्याईयो (तस्विरहरु)

          |   प्रकाशित मितिः शनिबार, अशोज १८, २०७६     ::: 360 पटक पढिएको   |  

असोज १८, दैलेख । आज वडादशैंको सातौं दिन । हिन्दू धर्मावलम्बीहरु परम्पराअनुसार घरघरमा फूलपाती भित्रयाउँदै छन् । सप्तमीका दिन सबै नेपालीका घरघरमा उखु, अदुवा, केराको बोट, धानको बाला, बेलपत्र, दारिम, जयन्ती र अशोकको फूल तथा अन्य नयाँ पालुवासमेत विधिपूर्वक फूलपाती भित्राइन्छ ।

दैलेख वजारको चार खम्वामा पनि पुजापाठ सहित फुलपाती भित्रयाईएको छ । फूलपाती भित्रयाउन गुरुज्युको पल्टन, नेपाली सेना, नेपाल प्रहरी, सशस्त्र प्रहरी र निजामती सेवाका उच्चपदस्थ अधिकारीहरु, आशागुर्जा टोली, ब्यान्डबाजा, पञ्चेबाजा, सिङगारिएका कल्स्यौडीहरु र साँस्कृतिक नाचगा नसहितको लावालस्कर दैलेख वजारको चार खम्वा पुगेको थियो । आज कालरात्री देवीको पूजा आराधना गर्ने गरिन्छ ।

घटस्थापनाका दिनदेखि दशैं शुरु हुने भएपनि दशैंको विशेष चहलपहल भने फूलपातीका दिनदेखि सुरु हुन्छ । फूलपातीदेखि पूर्णिमासम्म सरकारी कार्यालय पनि बन्द हुने भएकाले घरबाट टाढा रहेका व्यक्तिहरु मूलघरमा दुर्गा भवानीको टीका थाप्न जानेक्रम शुरु हुन्छ ।

हेरौँ ज्वाला शन्देशका लागी श्याम बिसीले कैद गरेका केही तस्विरहरुः





Leave a comment

Your email address will not be published.


*