जिल्ला वाल मञ्चको वैठक सम्पन्न, बाल हिंसा विरुद्ध अभियान सञ्चाल गर्ने प्रतिवद्धता

          |   प्रकाशित मितिः बिहिबार, मंसिर १४, २०७४     ::: 60 पटक पढिएको   |  

दैलेख, जिल्ला बाल मञ्च दैलेखको बैठकले बालबालिका माथि हुने सबै प्रकारका हिंसाको अन्त्यका लागि काम गर्ने प्रतिवद्धता गरेको छ । मञ्चका अध्यक्ष याम बहादुर वि.क.ले भने, बालबालिका माथि हुने सबै प्रकारका हिंसाको अन्त्यका लागि जिल्ला बाल मञ्चले आफ्ना गतिविधिलाई तिव्रता दिने छ ।
बालबालिकाको मुख्य कर्तव्य अध्ययन भएपनि समाजमा रहेका कुरिती र विभेदहरु हटाई असल समाजको निर्माणमा बालबालिकाले सहयोग गर्ने उनको भनाई थियो ।
बालविवाहले गर्दा बालबालिकाको सामाजिक, सांस्कृतिक तथा आर्थिक रुपमा असर गरेका कारण यसको न्यूनीकरण गर्ने बैठकले निर्णय गरेको छ । त्यसै गरी बैठकले समाजमा अझै पनि छाउपडी प्रथा कायमै रहेका कारण बालिकाको अध्ययनमा समस्या परेको हुदाँ विद्यालयमै सेनेटरी प्याड व्यवस्थापनका लागि स्थानीय सरोकारवाला सम्बन्धित निकायमा पहल गर्ने जनाएको छ ।
आसन्न प्रतिनिधि सभा र प्रदेश सभाको निर्वाचनमा बालबालिकाको प्रयोग बढ्ने सम्भावना भएकाले निर्वाचनका कुनै पनि कार्यक्रममा बालबालिकाको प्रयोग नगर्न नगराउन सम्बन्धित निकायको ध्यानआकर्षण गर्ने निर्णय गरेको छ । विद्यालय शान्ति क्षेत्र भएकाले निर्वाचनका कुनै पनि कार्यक्रम बालबालिका लक्षित वा विद्यालयमा हुन नहुने विषयमा छलफल भएको थियो ।
एक्काइसौ सताब्दिमा पनि बालबालिका बालश्रम, बालविवाह, छाउपडि र बेचविखन जस्ता समस्याबाट पिडित भएको राष्ट्रिय बाल संरक्षण सञ्जालका प्रदेश नं ६ का संयोजक हीरासिंह थापाको भनाई थियो । ग्रामिण क्षेत्रमा बालबालिका माथी हुने सबै प्रकारका हिंसाको जानकारी बालक्लवलाई हुने हुदाँ बाल सक्रिय भएको अवस्थामा यस्ता हिंसा र दुव्र्यव्यवहारबाट बालबालिकाले मुक्ति पाउन सक्ने थापाले बताए ।





Leave a comment

Your email address will not be published.


*