नेपाल प्रहरी दण्डहीनताको अन्त्य निम्ति तल्लिन

ज्वाला सन्देश सम्वाददाता
असोज– ३०, दैलेखका प्रहरी प्रमुख डीएसपी बीरबहादुर वलीले सीमित साधन श्रोतको बावजुध पनि शान्ति सुरक्षा अमचैन कायम गर्नदेखि अपराध अनुसन्धान र दण्डहीनताको अन्त्य निम्ति तल्लिन रहेको बताउनुभएको छ । ६० औं प्रहरी दिवसको अवसर पारेर जिल्ला प्रहरी कार्यालयले दैलेखमा आयोजना गरेको कार्यक्रममा उहाँले सो धारणा राख्नु भएको हो ।

कार्यक्रममा प्रमुख जिल्ला अधिकारी पिताम्वर घिमिरेले मुस्कान सहितको सेवामा सम्मिलित गर्दै व्यवसायिक काम गर्दै आएको नेपाल प्रहरीलाई जिल्लामा अझ जनताप्रति उत्तरदायी भई कार्य गर्न निर्देशन दिनुभयो ।
डीएसपी वलीले शान्ति सुरक्षामा अहोरात्र खटिने प्रतिवद्धता दोहो¥याउदै त्यसका लागि स्थानीयको पनि साथ सहयोग आवश्यकता औल्याउनुभयो । त्यस बखत सामुदायिक सेवा केन्द्रका अध्यक्ष प्रेमबहादुर थापा र पूर्व प्रहरी संगठनका जिल्ला अध्यक्ष लालबहादुर गुरुङ्गले समाजमा शान्ति र सुव्यवस्थाका कायम राख्न प्रहरी र नागरिकहरुको भूमिका विषयमा प्रकाश पार्नु भएको थियो ।
जिल्ला प्रहरी कार्यालयले अघिल्लो वर्ष मानवअधिकार प्रवद्र्धन र शान्ति अमनचैनमा उल्लेख्य सहयोग गरेको भन्दै सामाजिक सेवा केन्द्र (सोसेक) दैलेख, तोली गाविस–५ का सर्जन हमाल, सिभिल निर्माण सेवा, द्वारी हाइड्रो पावर र लोहोरे हाइड्रो पावरलाई सम्मान गरेको छ ।