दैलेखमा बजाजको नयाँ शोरुम

दैलेख, वैशाख – नयाँ वर्षको अवसर पारेर दैलेख सदरमुकामस्थित गणेशचौकमा बजाज मोटरसाइकलको शोरुमको उद्घाटन गरिएको छ । कैलाली अटो सर्भिसका सञ्चालक अशोक रानाले बजाजको शोरुम सञ्चालनमा ल्याएका हुन् ।

प्रमुख जिल्ला अधिकारी लुकबहादुर क्षेत्रीले रिबन काटेर शोरुम उद्घाटन गरेका हुन् । उद्घाटन कार्यक्रममा प्रहरी नायब उपरीक्षक विरबहादुर ओली, गैसस महासंघका अध्यक्ष महारुप खत्री, सहायक वन अधिकृत धर्मराज उपाध्याय लगायतको उपस्थिति थियो । तीन वर्षदेखि ग्यारेज सञ्चालन गर्दै आएका रानाले अव ग्राहकलाई डिलरकै दरमा बजाज मोटरसाइकल खरिद उपलब्ध गराउने बताए । दैलेखमा बजाजको यो पहिलो शोरुम हो । करिब २० लाख लागतमा शोरुम सञ्चालनमा आएको सञ्चालक रानाले जानकारी दिए ।