चिट चोर्ने नयाँ शैली, मोवाईल नै चिट ।।

          |   प्रकाशित मितिः शुक्रबार, साउन १४, २०७३     ::: 283 पटक पढिएको   |  

एसएलसी मौका परिक्षाको पहिलो दिन अंग्रेजी विषयमा दैलेखको सरस्वती उमावि परिक्षा केन्द्रमा चिट चोर्ने नयाँ शैली देखिएकोछ । उक्त परिक्षा केन्द्रमा मोवाईलबाटै फोन गरेर परिक्षार्थीहरुले चिट चोरेको भेटिएको छ । एसएलसी मौका परिक्षाकै फाईदा उठाउँदै परिक्षार्थीले मोवाईलबाटै प्रश्न उत्तर गरेपछि मोवाईल कब्जामा लिईएको छ । उनीहरुले अंग्रेजी शिक्षकलाई मोवाईलबाट फोन गरेर उत्तर लेख्न थालेको भेटिएपछि जिल्ला शिक्षा अधिकारी विष्णुप्रसाद गोतामेले मोवाईल नियन्त्रणमा लिनु भएको थियो । मोवाईलबाट फोन गरेर उत्तर सार्न लागेका आधा दर्जन मोवाईल कब्जामा लिईएको जिल्ला शिक्षा कार्यालयले जनाएको छ । निरिक्षकका अनुसार पहिलो पटकलाई चेतावनी दिएर परिक्षामा सहभागी गराईएको छ, परिक्षार्थीको भविष्यलाई हेरेर चेतावनी दिएर छाडिएको र डरै नमानेर मोवाईलबाटै चिट् चोरेको भेटिएको जनाईएको छ । गेटबाटै कडा चेकिङ्ग गरेर परिक्षा हलमा बसाल्दा समेत मोवाईल प्रयोग गरेको भेटिएको सहायक केन्द्राध्यक्ष गणेश उपाध्यायले बताउनु भयो । १ हजार ६७ जना परिक्षार्थीले त्रिभुवन उमावी र सरस्वती उमावीबाट परिक्षा दिएका छन् । परिक्षामा जिल्लाका ९० विद्यालय सहभागी रहेका थिए ।



1 Comment on चिट चोर्ने नयाँ शैली, मोवाईल नै चिट ।।

  1. Jibraj Regmi // July 29, 2016 at 4:53 pm // Reply

    kendradekxe Ram Kumar thakur sir Ganesh Upadhaya Assistent ho

Leave a comment

Your email address will not be published.


*