गण्डकी र सुदूरपश्चिम प्रदेश प्रमुख पदमुक्त

          |   प्रकाशित मितिः सोमवार, बैशाख २०, २०७८     ::: 181 पटक पढिएको   |  

काठमाडौं : राष्ट्रपति विद्यादेवी भण्डारीले गण्डकी र सुदूरपश्चिम प्रदेशका प्रदेश प्रमुखलाई पदमुक्त गरेकी छन्। सोमबारको मन्त्रिपरिषद बैठकको सिफारिसमा भण्डारीले प्रदेश प्रमुख अमिक शेरचन र सर्मीलाकुमारी पन्तलाई पदमुक्त गरेको राष्ट्रपति कार्यालयका प्रवक्ता रुपनारायण भट्टराईले जानकारी दिए। 

नेपालको संविधानको धारा १६५ को उपधारा (१) को खण्ड (ख) बमोजिम प्रदेश प्रमुखलाई पदमुक्त गरिएको राष्ट्रपति कार्यालयले जनाएको छ। शेरचन र त्रिपाठी दुबै जना माओ‌वादी केन्द्रका पूर्वनेता हुन्। यस अगाडि मन्त्रिपरिषद्को सिफारिसमा राष्ट्रपति भण्डारीले प्रदेश २ का प्रदेश प्रमुख तिलक परियारलाई पदमुक्त गरी डा. राजेश झा (अहिराज)लाई प्रदेश प्रमुख नियुक्त गरेकी थिइन्।मन्त्रिपरिषद् बैठकले गण्डकी प्रदेशमा सीता पौडेल र सुदूरपश्चिम प्रदेश प्रमुखमा गंगाप्रसाद यादवलाई नियुक्तको सिफारिस गरेको छ।



Leave a comment

Your email address will not be published.


*