दैलेखका कोरोना संक्रमितको बाँकेमा निधन

          |   प्रकाशित मितिः आइतवार, अशोज १८, २०७७     ::: 303 पटक पढिएको   |  

दैलेख असाेज १८ गते । कोरोना भाइरस (कोभिड–१९)को संक्रमणबाट दैलेखका एक व्यक्तिको आइतवार दिउँसो मृत्यु भएको छ । दैलेखको नारायण नगरपालिका– ८ का ५१ बर्षिया पुरुषको उपचारको क्रममा मृत्यु भएको हो । उनको नेपालगंज मेडिकल कलेज शिक्षण अस्पताल कोहलपुरमा उपचारको क्रममा मृत्यु भएको हो । उपचारका लागि शनिवार दैलेख अस्पतालमा ल्याईपु¥याईका ती व्यक्तिलाई दैलेख अस्पतालमा उपचार सम्भव नभएपछि सुर्खेत रिफर गरिएको थियो । आन्द्रा फुटेको (आन्द्रामा प्वाल परेको) समस्या भएकाले कर्णाली प्रदेश अस्प्तालले पनि नेपालगंज मेडिकल कलेज शिक्षण अस्पताल कोहलपुर रिफर गरेको थियो ।
शिक्षण अस्पताल कोहलपुरको कोभिड–१९ युनिटमा शनिवार राती भर्ना भएका ती व्यक्तिको आइतवार दिउँसो मृत्यु भएको अस्पताल स्रोतले जनाएको छ । बेहोस अवस्थामा भर्ना भएका ती व्यक्तिको उपचारको क्रममा रोगको प्रकृति अनुसार गरिनुपर्ने सबै प्रकारका उपाएहरु अपनाईएको भएपनि स्वास्थ्यमा सुधार आउन नसकेको अस्पतालले जनाएको छ । स्वास्थ्य सेवा कार्यालय दैलेखका कोभिड–१९ फोकल पर्सन थीरप्रसाद रेग्मीले ती व्यक्तिकाे दैलेख अस्पतालमै स्वाब संकलन गरिएको जानकारी दिए । स्वाब संकलन गरेर परीक्षण गर्दा कोरोना संक्रमण देखिएको रेग्मीले जनाए ।यो संगै दैलेखमा कोरोनाका कारण मृत्यु हुनेको संख्या ४ पुगेको छ ।





1 Comment on दैलेखका कोरोना संक्रमितको बाँकेमा निधन

  1. Nepalma covid 19 vanda pani 3rd disease le garda covid lai sajilo vako xa tesaile nepal sarkarle samaya mai dhyan dinu aabasek xa

Leave a comment

Your email address will not be published.


*