ललिता निवास प्रकरणमा १७ पुग्यो पक्राउ पर्नेको संख्या

काठमाडौँ –  बालुवाटारस्थित ललिता निवासको जग्गा हिनामिना गरेको आरोपमा थप एक जना पक्राउ परेका छन् ।

बुधबार सीआईबीले समरजंग कम्पनीका तत्कालीन सहलेखापाल विनोद पौडेललाई पक्राउ गरेको हो। यससँगै यो प्रकरणमा पक्राउ पर्नेको संख्या १७ पुगेको हो । मंगलबारमात्रै यो प्रकरणमा ४ जना पक्राउ परेका थिए ।

एसएसपी दिनेशकुमार आचार्यले पौडेललाई काठमाडौँको गोकर्णबाट पक्राउ गरिएको बताउनुभयो ।

ललिता निवासको १४३ रोपनी जग्गा हिनामिना गरेको आरोपमा सीआईबीले अनुसन्धान गरिरहेको छ।