रुकुममा सुत्केरीको हेलिकप्टरबाट उद्वार

रूकुम पश्चिम-   रूकुम पश्चिमबाट एक सुत्केरीको हेलिकप्टरबाट उद्वार गरिएको छ । रक्तस्राव नरोकिएपछि जिल्लाको बाँफिकोट गाउँपालिका वडा नम्बर -९ झुलाकी १९ वर्षिया सुत्केरी गीता परियारलाई सल्लेबाट हेलिकप्टर मार्फत उद्वार गरि सुर्खेत लगिएको हो ।

गीतालाई सुत्केरी व्यथा लागेपछि शुक्रबार जिल्ला अस्पताल सल्ले ल्याइएको थियो । उनी शुक्रबार बेलुकी साढे ७ बजे सुत्केरी भएकी थिइन । तर रक्तस्राव नरोकिएपछि अस्पतालले रेफर गरेको थियो ।

शनिबार मध्यान्ह १२ बजेतिर हेलिकप्टरबाट सुर्खेत लगिएको नेपाली सेनाको चण्डी दल गण सल्लेका गणपति प्रमुख सेनानी बरूण केसी खत्रीले बताउनुभयो  ।