पत्रकार कंडेलद्वारा १ लाख ११ हजारको अक्षयकोष स्थापना
![पत्रकार कंडेलद्वारा १ लाख ११ हजारको अक्षयकोष स्थापना](https://snowberry.prixacdn.net/media/gallery_folder/kandel_6B2o22Zefo_zt5k8ph1qmqhholnc6eow0ksssc92orbiwvcrrbgon9e0y2hqcb5oygvacaa_wu4liVgSaR_3hdy4lrlcvloh5l7do7t2v9uaaf7xxun9okozixvvpklmc3no8wksldgvw1f.jpg)
सुर्खेत - सुर्खेतमा पत्रकारिता गर्दै आएका चिन्तामणी कंडेलले आफ्नो जन्मदिनको अवसरमा अक्षयकोष स्थापना गर्नुभएको छ । नेपाल प्रेस युनियन सुर्खेत शाखाबाट वितरण हुनेगरी पत्रकार कंडेलले १ लाख ११ हजार १ सय ११ रुपैयाँको अक्षयकोष स्थापना गर्नुभएको हो ।
पत्रकार कंडेलले उक्त अक्षयकोषमा जम्मा गर्ने गरी एक लाख ११ हजार एक सय ११ रुपैयाँको चेक प्रेस युनियन सुर्खेतका अध्यक्ष मधुवन विसीलाई हस्तान्तरण गर्नुभएको हो ।
चेक हस्तान्तरणपछि बोल्दै उहाँले उक्त अक्षयकोषबाट प्रत्येक बर्ष एकजना क्रियाशिल पत्रकारलाई पुरस्कृत गर्ने समेत बताउनुभयो । मैले १८ बर्षदेखि पत्रकारिता गर्दै आएको छु । उहाँले भन्नुभयो, “पत्रकारिता क्षेत्रमा क्रियाशिल व्यक्तीहरुका पिडा र समस्या मलाई थाहा छ, अझै कर्णालीमा पत्रकारिता गर्न झनै समस्या छ, त्यसैले मैले यो अक्षय कोषबाट थोरै भएपनि क्रियाशिल पत्रकारलाई पुरस्कृत गर्न चाहान्छु, सम्मानित गर्न चाहान्छु ।
यस्तै, नेपाल प्रेस युनियन सुर्खेतका अध्यक्ष विसीले पत्रकारिता क्षेत्रमा लागेका व्यक्तीहरुलाई यो अक्षय कोषबाट दिइने पुरस्कारले प्रोत्साहन मिल्ने भन्दै पत्रकार कंडेलको उच्च प्रशंसा गर्नुभयो । सुर्खेतमा पत्रकारले नै पत्रकारका लागि स्थापना गरेको यो पहिलो ठुलो धनराशीको अक्षयकोष हो ।
यस्तै शनिबार नेपाल प्रेस युनियन सुर्खेत शाखाले आयोजना गरेको तिज सद्भाव कार्यक्रममा नेपाल प्रेस युनियन सुर्खेत शाखाका अध्यक्ष मधुवन बिसीको अध्यक्षतामा भएको तिज सद्भाव कार्यक्रममा नेपाल प्रेस युनियनका केन्द्रीय उपमहासचिव कमल पन्त, प्रेस युनियनका नेताहरु माया थापा, शुशिल शर्मा, प्रेस चौतारी नेपालका कर्णाली प्रदेश अध्यक्ष प्रकाश अधिकारी, नेपाल फोटो पत्रकार महासंघ कर्णाली प्रदेशका अध्यक्ष गोबिन्द केसी लगायत सुर्खेतमा सक्रिय रहेका महिला पत्रकारहरुको पनि उपस्थिति रहेको थियो ।
प्रतिक्रिया