चट्टयाङ्गले एकको मृत्यू, सोह्र जना घाइते

दैलेख – चट्टयाङ्गले एक जना महिलाको मृत्यू भएको छ । महाबु गाउँपालिका–१ खरिगैराकी ४२ वर्षीया भूमिसरा खत्रीको मृत्यू भएको जिल्ला प्रहरी कार्यालय दैलेखका प्रहरी निरीक्षक दिपकसिंह बिष्टले जानकारी दिनुभयो । 

घरमै भान्साको काम गरिरहेको बेला चट्टयाङ्गले घाइते हुनुभएकी खत्रीको अस्पतालमा उपचारको क्रममा मृत्यू भएकोे हो । चट्टयाङ्गले आआफ्नै घरका बसिरहेका खरिगैराका अरु १५ जना घाइतेको दैलेख अस्पतालमा प्राथमिक उपचार भएका थियो । ती घाइते मध्ये चार पुरुष र बाँकी सबै महिलाहरु छन् ।  

दैलेख अस्पतालमा उपचारत मनसरा जैसी (५०) 

प्राथमिक उपचारपछि गम्भीर घाइते आठ जनालाई कर्णाली प्रदेश अस्पतालमा पठाइएको र एक जनाको दैलेख अस्पतालमा उपचार चलिरहेको दैलेख अस्पतालका इञ्चार्ज डा. धर्मराज रेग्मीले बताउनुभयो । पाँच जना उपचारपछि घर फर्किएका उहाँले जानकारी दिनुभयो । 

गएराति नै दैलेखको डुंगेश्वर गाउँपालिका–६ लटाली गाउँमा चट्टयाङ्गले गम्भीर घाइते भएकी २६ वर्षीया रेखा बुढालाई कर्णाली प्रदेश अस्पतालमा पु¥याइएको जिल्ला प्रहरी कार्यालय दैलेखका प्रहरी निरीक्षक दिपकसिंह बिष्टले जानकारी दिनुभयो ।