छिन्चुबाट एक जना फरार प्रतिवादी पक्राउ

सुर्खेत –   सुर्खेतको छिन्चु बजारबाट एक जना फरार प्रतिवादी पक्राउ परेका छन् । पक्राउ पर्ने व्यक्ती छिन्चुबजारमा बस्ने २८ वर्षका सुरेन्द्र खत्री रहेका छन् ।

जिल्ला अदालत सुर्खेतको लागत नम्बर ३६०६ को चेक अनादर मुद्धामा ३ महिना कैद र ३ हजार जरीवाना तोकिएका खत्रीलाई सुर्खेत प्रहरीले आज प्रक्राउ गरेको हो ।

छिन्चुवाट खटिएको २ जनाको प्रहरी टोलीले उनलाई बजारमा हिडिरहेको अवस्थामा फेलापारी पक्राउ गरेको जनाएको छ । उनलाई ईलाका प्रहरी कार्यालय छिन्चुमा राखिएको कर्णाली प्रदेश प्रहरीले जनाएको छ ।