अन्नपूर्ण बेसक्याम्पमा राष्ट्रसंघका महासचिव गुटेरेस

पोखरा –   संयुक्त राष्ट्रसंघका महासचिव एन्टोनियो गुटेरेस अन्नपूर्ण बेसक्याम्प पुग्नुभएको छ । जलवायु परिवर्तनको असरबारे प्रत्यक्ष अनुभव गर्न र स्थानीयसँग कुरा गर्नका लागि उहाँ एविसी जानुभएको हो । 

नेपाली सेनाको हेलिकोप्टर मार्फत केहीबेर अघि उहाँ एविसी अवतरण गर्नुभएको हो  । उहाँ पौने घण्टा एविसीमै रहनेछन् । उहाँको स्वागतका लागि एविसीमा छुट्टै हेलिप्याड बनाइएको छ भने स्थानीय झाँकी सहित स्वागत गरिएको छ । 

गाउँपालिकाका अध्यक्ष विष्णु केसी सहितको टोलीले गुटेरेसलाई स्वागत गरेका वडा नम्बर ११ का अध्यक्ष हिमबहादुर गुरुङले बताउनुभयो  । 

त्यहाँ पालिका अध्यक्ष केसीले जलवायु परिवर्तनका समग्र असरबारे जानकारी गराइरहेका छन् भने वडाध्यक्ष गुरुङले सानोमा खर्कमा पशु चराउन जाँदाको अनुभव सुनाउनुभएको थियो । गुटेरेस ८ बजे पोखरा आइपुग्ने कार्यक्रम छ ।