वैदेशिक रोजगारीका लागि परामर्श

तेह्रथुम –   आठराई त्रिवेणी गाउँपालिकाले चालु आर्थिक वर्ष २०८०/०८१ मा ६९ जना युवालाई रोजगारी दिने भएको छ । गाउँपालिकाले प्रधानमन्त्री रोजगार कार्यक्रम अन्तर्गत रोजगारी दिने भएको हो ।

गाउँपालिकाका रोजगारी शाखाका संयोजक प्रेम सिंह गुरुङका अनुसार पालिकामा बेरोजागरीमा सूचीकृत भएका युवालाई प्राथमिकताको आधारमा १०० दिने रोजगारी दिन लागेको हो । सोका लागि संघीय सरकारबाट बजेट विनियोजन गरेको बताउनुभयो  । 

बेरोजगार युवालाई सिढिँ निर्माण गर्ने, भवन निर्माण गर्ने तथा सिलिङ गर्न लगाउने बताउनुभयो  । साथै गाउँपालिकाले वैदेशिक रोजगारीमा जाने युवालाई निःशुल्क परामर्श दिँदै आएको उहाँले बताउनुभयो  । तर वैदेशिक रोजगारीबाट फर्केका युवाको लागि कुनै कार्यक्रम नल्याएको उहाँको भनाइ छ ।