विद्यालय व्यवस्थापन सम्बन्धी तालिम सम्पन्न

ठाटीकाँध –  दैलेखको ठाटीकाँध गाउँपालिकामा दुइदिने विद्यालय व्यवस्थापन सम्बन्धी तालिम सम्पन्न भएको छ  ।

ए.इ. आई.एन लक्जेम्बर्गको साझेदारी ठाटीकाँध गाउँपालिकाको समन्वय सोसेक नेपालद्धारा ठाटीकाँधमा संचालित सहकार्य परियोजनाको आयोजनामा सम्पन्न  भएको हो । ठाटीकाँध गाउँपालिका अध्यक्ष रक्ष बहादुर शाहको प्रमुख आतिथ्यतामा सम्पन्न भएको थियो । 

तालिममा  ठाटीकाँध गाउँपालिकाका सात वटा विद्यालयका २२ जना विद्यालय व्यवस्थापन समिति अध्यक्ष, सचिव, महिला सदस्यहरुको सहभागिता रहेको  थियो  ।  दुइदिने तालिमका सहभागिहरुले विद्यालयलाई नमुना बनाउन आ-आफ्नो क्षेत्रबाट सहयोग गर्ने प्रतिबद्धता व्यक्त गर्नुभएको थियो ।  तालिमको सहजिकरण गोबिन्द कोइराला र मिलन विश्वकर्माले गर्नुभएको थियो   ।