गृह मन्त्रालयद्वारा तीन सदस्यीय छानबिन समिति गठन
![गृह मन्त्रालयद्वारा तीन सदस्यीय छानबिन समिति गठन](https://snowberry.prixacdn.net/media/gallery_folder/EPS%2520Accident%25201_MuZmfRu7RG_u20dz6gwoenvovaofjtm6guw5y02qtgfoh5xmhangpckomtvflhnjagbuzgi_KJZQIqe74J_ygxumghbqwy0vpci6ynjqjbilcclll1qzzq2vug7vncgwoyq4vpknxrm7ql0.jpg)
काठमाडौँ — इपीएस परीक्षा विवादमा दुई जना युवा सुजन रावत र बीरेन्द्र शाहको ज्यान जाने गरी भएको बालकुमारी घटना र त्यहाँ भएको प्रदर्शन लगायतका विषयमा छानबिन गर्न गृह मन्त्रालयले तीन सदस्यीय समिति गठन गरेको छ ।
गृह मन्त्रालयले दिएको जानकारी अनुसार नेपाल प्रहरीका डीआइजी लाममणि आचार्यको संयोजकत्वमा गठित समितिमा ललितपुरका सहायक प्रमुख जिल्ला अधिकारी अमरदीप सुनुवार र राष्ट्रिय अनुसन्धान विभागका एसपी बासु सिग्देल सदस्य रहनुभएको छ । उहाँलाई सात दिन भित्र घटनाको छानबिन गरी प्रतिवेदन दिन भनिएको छ ।
कोरिया भाषा परीक्षामाको आवदेन दिन नपाएको आक्रोशमा युवाहरुले भौतिक योजना तथा यातायात मन्त्री प्रकाश ज्वाला सवार गाडी जलाएपछि प्रहरीसंगको झडप दुई जना युवाको उपचारका क्रममा मृत्यु भएको र दर्जन बढी घाइते छन् भने ५० भन्दा बढीलाई प्रहरीले नियन्त्रणमा लिएको छ ।
प्रतिक्रिया