यौन हिंसा फरार आरोपित बम्जन पक्राउ

काठमाण्डौं – धर्म रक्षक तपस्वीको भेषमा विभिन्न महिला र किशोरीहरुलाई यौन हिंसा गरेका रामबहादुर बम्जनलाई पक्राउ परेका छन् । प्रहरीलाई देखेर भाग्न खोजेका उनलाई बालबाल पक्रन सकिएको केन्द्रीय अनुसन्धान ब्युरो (सिआइबी)का डिएसपी धर्मराज भण्डारीले जानकारी दिनुभयो ।  

मंगलबार बुढानीलकण्ठको हात्तीगौडास्थित घरमा रहेको तथ्य प्रहरीले पत्ता लगाएर पक्रन गएको बेला उनकी श्रीमती लगायतले पनि प्रहरीलाई रोक्न कोसिस गरेको बेला दुई तला माथिबाट हामफालेर भाग्न लाग्दा प्रहरीले पक्राउ गरेको हो । बलात्कारसंगै बेपत्ता बनाएको आरोप विभिन्न प्रहरी कार्यालयमा ०७६ माघमा पाँच भन्दा बढी किटानी जाहेरी दर्ता भएको विभिन्न सञ्चार माध्यमहरुमा समाचारहरु प्रकाशन भएका थिए । 

चार वर्षदेखि फरार रहँदै आएका बम्जन प्रहरीको टोलीले पटकपटक उनको आश्रममा पनि पुग्ने गरेको तर पत्ता लगाउन सकेको थिएन । बम्जन लामो समय बाराको हलखोरिया जंगल  केही समय सिन्धुलीमा आश्रम बनाएर बसेका थिए । यौन हिंसाका मुद्दा दर्ता भएपछि चार वर्षदेखि फरार भएका थिए ।