३४औँ राष्ट्रिय भलिबल प्रतियोगिता : एपीएफलाई हराउँदै पुलिसले जित्यो राष्ट्रिय भलिबलको उपाधि
![३४औँ राष्ट्रिय भलिबल प्रतियोगिता : एपीएफलाई हराउँदै पुलिसले जित्यो राष्ट्रिय भलिबलको उपाधि](https://snowberry.prixacdn.net/media/gallery_folder/ppp_ZAPBDKxzaU_z8s6ia7pwmvozez8hw8th6dwtz1ipgvkd9tgswm8pfvlhy2bq1g1m8f3wcg1_Rihxg3sSUZ_jvtvmgjhduu4fg8ik4mbxef3qtdlh6ko3yvjnikqbgz982l0egeldwkodwt0.gif)
सुर्खेत – नेपाल पुलिस क्लबले ३४औँ राष्ट्रिय भलिबल प्रतियोगिताको उपाधि जितेको छ । कर्णाली प्रदेशको राजधानी सुर्खेतको वीरेन्द्रनगरस्थित खुलामञ्चको कोर्टमा आज भएको उपाधि भिडन्तमा डिफेन्डिङ च्याम्पियन एपिएफ क्लबलाई हराउँदै पुलिस क्लबले उपाधि जितेको हो ।
पुलिसले ३–१ को सेटमा एपिएफलाई पराजित गरेको हो । पहिलो सेट गुमाएको पुलिसले त्यसपछि भने लगातार तीन सेट नै आफ्नो कब्जामा पा¥यो । प्रतियोगिताको समूह चरणको खेलमा पुलिसलाई पराजित गरेको एपिएफ भने प्रतियोगितामा पहिलोपटक पराजित भयो र उपाधि सुम्पन्न बाध्य भयो ।
पहिलो सेटमा एपिएफले पुलिसलाई २५–२२ ले हराएको थियो । दोस्रो सेटमा उत्कृष्ट पुनरागमन गर्दै पुलिसले एपिएफलाई २५–१९ ले तथा तेस्रो सेट २५–१८ ले पराजित ग¥यो । चौथो सेट पुलिसले २५–२३ ले जित्यो ।
आजै तेस्रो स्थानका लागि भएको खेलमा गण्डकी प्रदेशले त्रिभुवन आर्मी क्लबलाई ३–१ ले पराजित ग¥यो । गत २० पुसबाट सुरु भएको प्रतियोगितामा तीन विभागीय र सात प्रदेश गरी १० टोली सहभागी थिए ।
प्रतिक्रिया