विद्यालयलाई आर्थिक सहयोग
![विद्यालयलाई आर्थिक सहयोग](https://snowberry.prixacdn.net/media/gallery_folder/School_GMNahkTDDk_wshzmw02ncew4jvnqpvwtcn7rjeuidgw6xax7kxnoy8njjd45ymnyobp6s1k_NVuLgFIOtF_kr02qodhxbwhvyf6shxe78jeroa2i9a0l4yhwclixlidga5ny83wisbscrea_GlmSYOvF0U_do1tkdwscnauajhu7kkzbytf8h18be0fptpchakbqmnh4cksfiia7fjc2gnr_Mi5eOxxcm6_id4bhtbe0c3qy7d3s87zubxek7gk2p1dpxi50m7hzmncqmkllzdn7bpbkakm_TFWacqz3mT_poi8kvurrzkhkdsnnv2ynwconxwoimtjrvq3cftqmj2nkwxmz2dhgkk8hiul_qLn7eBbRc5_t9cd6kwpgdq3hs1qjkwdroqefgrziagsun0x7qfusqvubgeyqkwvh0rvg5h7_g3TYeidpK8_4sgbdmfjlm1hksdylzcbk6jq2gxwmoi6badivoqcv62axrow4qqogffrxlj4.jpg)
रुकुम पश्चिम - भूकम्पबाट क्षति पुगेको रुकुम पश्चिमको आठबीसकोट नगरपालिका–१४ ज्यामिरेकोटस्थित जनविकास माध्यमिक विद्यालयमा अस्थायी सिकाइ केन्द्र निर्माण गर्न आर्थिक सहयोग प्राप्त गएको छ । अस्थाथी सिकाइ केन्द्र निर्माण गर्न काठमाडौँ वल्र्ड स्कुलले रु एक लाख ६७ हजार सहयोग गरेको हो ।
काठमाडौँ वल्र्ड स्कुलका शिक्षक मुकुन्द महर्जनले उक्त रकम विद्यालयका प्रधानाध्यापक दीपकसङ्गम थापालाई हस्तान्तरण गर्नुभयो । काठमाडौँ वल्र्ड स्कुलमा अध्ययनरत विद्यार्थी, शिक्षक र अभिभावकबाट उक्त रकम सङ्कलन भएको उहाँले बताउनुभयो । सो रकमबाट सिकाइ केन्द्र निर्माण गरी विद्यालयलाई हस्तान्तरण गरिने बागेश्वरी असल शासन क्लब (बास) नेपाल रुकुम पश्चिमका जिल्ला अध्यक्ष करण विकले बताउनुभयो ।
गत कात्तिक १७ गते राति जाजरकोट रामीडाँडा केन्द्र विन्दु बनाएर गएको भूकम्पबाट जनविकास माध्यमिक विद्यालयमा क्षति पुगेको थियो । यहाँ बालशिक्षादेखि कक्षा १० सम्म पठनपाठन भइरहेको छ । भूकम्पले तीन विद्यालयमा क्षति पु¥याएपछि अहिले सात अस्थायी सिकाइ केन्द्र निर्माण गरेर पठनपाठन भइरहेको प्रधानाध्यापक थापाले बताउनुभयो ।
प्रतिक्रिया