ट्याक्टर र मोटरसाइकल ठोक्किँदा एक जनाको मृत्यु

सुर्खेत - सुर्खेतको सिम्तामा ट्याक्टर र मोटरसाइकल एक आपसमा ठोक्किँदा एक जनाको मृत्यु भएको छ । मृत्यु हुनेमा मोटरसाइकल सवार वीरेन्द्रनगर नगरपालिका–३, एरिचोकका २८ वर्षीय विजय राना रहेका छन्।

सल्यानको सल्लीबजारबाट सुर्खेतको गोजी बजारतर्फ जाँदै गरेको बा ९५ प ५२९६ नम्बरको मोटरसाइकल र विपरीत दिशाबाट आइरहेको भे १ त ४५ नम्बरको ट्याक्टर सिम्ता गाउँपालिका–६, जामुनेबजारमा एक आपसमा ठोक्किएका थिए ।

रानाको घटनास्थलमै मृत्यू भएको हो भने मोटरसाइकल चालक वीरेन्द्रनगर नगरपालिका–१, ढोडेखालीका २३ वर्षीय रुपेश गिरीको अवस्था गम्भीर छ । उनको मेहलकुना अस्पतालमा उपचार भइरहेको छ। अस्थायी प्रहरी पोष्ट बादेपिपलका प्रहरी जवान वीरेन्द्र विकका अनुसार  ट्याक्टर चालक र साहू भने फरार रहेका छन्।