मोरङमा पन्ध्र वर्षीया किशोरीको शव फेला
![मोरङमा पन्ध्र वर्षीया किशोरीको शव फेला](https://snowberry.prixacdn.net/media/gallery_folder/deathimage784410-1622018110402-1000x01-0762018112921-1000x0_0UcGghdCcY_6zitue7yxjnfbgnhmbrgnw2x9iud6wwptqw74uuvosu5sg2raqvm5g7nx4xp_a9Rs4KhuUM_6qqc78s19xg8xkzbpprodjros9kd2uk5ftyjc45h8vdabss0lyxez3pef4ad_q9DwVeOggz_ewttjahamqury4ujna51ltqvvglx8ly1eysrjnw8dinnn93ka2lmnswgbibf_Vj1hbWVJQL_lyd4tecqcql5fodiv1rm09nnnenqiyse2nthfj2n3pbr4j0yoepgf3lbbifb_M0Vhxt9E9k_duthzb0wbcobv2lbw2kwjhmb9v0n0xtihrdnvb4zloushjguox4zsquotviu_k43EeU19Z3_6mbgt5dqi31d70nziecd8hg4f8arpwmx6utfvskocxbcvzwvek3tzsmgrckb_A6Dx5eWfzW_lrrzrtgvr1hcdhr5jd7ofisi9tvca5y0ybvejeapkbsdal7bs0o88zlkktrl_oqZGEKhkyJ_qa4wsxnfzaxaymxlpkapmkd8qceokqaslt8powr62yvgcc3ti80cizx9txns_krsezo7vHR_vbfxgkrtmx7gweajciuqq9f5idhr554x3gjyxosn8srv0su10v3gacpiqnsf.jpg)
मोरङ - मोरङको पथरी शनिश्चरे–७ लामाटोलीमा एक किशोरीको शव फेला परेको छ । खोटाङकी १५ वर्षीया ज्ञानकुमारी राई ९संजना०को अज्ञात व्यक्तिले धारिलो हतियार प्रयोग गरी हत्या गरेको आशङ्का गरिएको छ ।
स्थानीयवासीका अनुसार शनिश्चरे–१ स्थित पञ्चायत माविमा कक्षा ७ मा अध्ययनरत किशोरी राई मामाघरमा बस्दै आएकी थिइन् । गए राति शौचालय जाने क्रममा उनको हत्या भएको हुनसक्ने स्थानीयले आशङ्का गरेका छन् । राति सुतिसकेको समयमा आवाज आएपछि हेर्न जाँदा ज्ञानकुमारीलाई अज्ञात व्यक्तिले धारिलो हतियार प्रयोग गरी भागेको देखिएको किशोरीका दाजु विमल राईले बताउनुभयो ।
घटनालगत्तै विमलले स्थानीयको सहयोगमा प्रहरीलाई खबर गरेका थिए । घटना घटेको केही समयमै घटनास्थललाई इलाका प्रहरी कार्यालय पथरीले नियन्त्रणमा लिएको जिल्ला प्रहरी कार्यालय मोरङका वरिष्ठ प्रहरी उपरीक्षक (एसपी) नवराज कार्कीले जानकारी दिनुभयो । प्रहरीले प्रारम्भिक अनुसन्धान सुरु गरिसकेको छ ।
प्रतिक्रिया