छामघाट खोलामा डुबेर एक युवाको मृत्यु
![छामघाट खोलामा डुबेर एक युवाको मृत्यु](https://snowberry.prixacdn.net/media/gallery_folder/dubera-death_LeYDC8TMuK_dz1wgcbtucymmmfiiteqodq7vdx7pru0gotsgnk38shgvnvgia0y9xyxkeye_StO0BmvbzD_oy6hhlp62mkjo4mosbxxbixkgqlu7h7azbg2jj023ybzk62q3dk1wrfu9efh.jpg)
सुर्खेत - दैलेखको छामघाट खोलामा डुबेर एक जना युवाको मृत्यु भएको छ । मृत्यु हुनेमा भैरवी गाउँपालिका–३, सालपानीका १९ वर्षीय ज्ञानु तिरुवा रहेका छन् ।
दैलेख प्रहरीका अनुसार बुधबार दिउँसो खोलामा पौडी खेल्ने क्रममा डुबेर उनको मृत्यु भएको हो । प्रहरी सहायक निरीक्षक मोहन रावलको कमाण्डमा ४ जना र थप अनुसन्धानको लागि इलाका प्रहरी कार्यालय दुल्लुबाट प्रहरी निरीक्षक कृष्ण डाँगीको कमाण्डमा ५ जनाको टोली खटी मृतकको शवलाई पानीबाट बाहिर निकालिएको थियो । अहिले उक्त शव पोष्ट मार्टमको लागि दुल्लु अस्पताल लगिएको प्रहरीले जनाएको छ ।
प्रतिक्रिया