मुख्यमन्त्री कँडेलले बिहीबार विश्वासको मत लिने
![मुख्यमन्त्री कँडेलले बिहीबार विश्वासको मत लिने](https://snowberry.prixacdn.net/media/gallery_folder/cm%252520kandel_oNyExGRhJN_tgav1qtv7gs1ynhbsjrblwsymlklde9vknyrxb99ehz22u75cqi9pcps8e48_2bxtdTsc6V_8lsbusyformlin2v2o1vz7azjp29zayt3phvgho14vl81t0yqfcax0oxzvgn_IQcgKFfEYj_kpepm9n5805rc7a7tkkpchvmj8t5al2mrj8ms7olevt6texhcprmsptomxxb.jpg)
कर्णाली - कर्णाली प्रदेशका मुख्यमन्त्री यामलाल कँडेलले बिहीबार विश्वासको मत लिनुहुने भएको छ । मुख्यमन्त्री कँडेलले यही वैशाख १३ गते विश्वासको मत लिनका लागि प्रदेशसभा सचिवालयमा पत्र दर्ता गराउनुभएको थियो ।
नेकपा (माओवादी केन्द्र) लाई आर्थिक मामिला तथा योजना, सामाजिक विकास, उद्योग, पर्यटन, वन तथा वातावरण र जलस्रोत तथा ऊर्जा विकास मन्त्रालय दिने सहमति भएसँगै माओवादी केन्द्र प्रदेश सरकारमा सहभागी हुने भएको छ ।
माओवादी केन्द्रले चार मन्त्रालय प्राप्त गरेपश्चात् सरकार विस्तार हुने वातावरण बनेपछि मुख्यमन्त्री कँडेलले विश्वासको मत लिने मिति तय भएको कर्णाली प्रदेशसभामा माओवादी केन्द्रका संसदीय दलका प्रमुख सचेतक रणसिंह परियारले जानकारी दिनुभयो ।
कर्णाली प्रदेशसभामा नेकपा (एमाले) संसदीय दलका प्रमुख सचेतक टेकराज पछाईले प्रदेश सरकार विस्तार तथा मन्त्रालय बाँडफाँटबारे सत्ता साझेदार दलबीच सहमति भएको बताउनुभयो ।
प्रतिक्रिया