गायिका शाही भारती इन्टरनेशनल अवार्डबाट सम्मानीत
![गायिका शाही भारती इन्टरनेशनल अवार्डबाट सम्मानीत](https://snowberry.prixacdn.net/media/gallery_folder/sapana%2520shahi_z6ZNpdHSGx_w8trhpsaojdxnumq0qfsg85seejl3cg3oeyxnlhvq30q2uzdlvkihn5wodgq_ZTDELNga9y_kekf7bmb5dfdw0a9c9qj29wdb17283wwqsf3yax0q3feiygq0q9owhmbhpyn.jpg)
काठमाडौँ - दैलेखमा जन्मेर लामो समयदेखि लोक तथा देउडा गीतबाट अफ्नो परिचय बनाएकी गायिका सपना शाहीले म्युजिक अवार्ड २०२४ बाट सम्मानीत हुनुभएको छ ।
प्रवासी साझा मञ्च भारतले चण्डीगढमा आयोजना गरेको विशेष सांगितिक कार्यक्रममा शाहीलाई भारती इन्टरनेशनल म्युजिक अवार्ड २०२४’ प्रदान गरिएको हो ।
उनलाई देउडा गीत तर्फको ‘फिमेल क्याटेगोरी’ तर्फ यस्तो अवार्ड दिइएको हो। दैलेख जन्मेर हाल बाँकेको कोहलपुरमा बस्दै आउनुभएकी शाही अहिले काठमाडौंमा रहेर सांगीतिक क्षेत्रमा काम गरिरहनुभएको छ ।
शाहीले गाएको तीन चुलिका अग्ला शीर बोलको देउडा गीतबाट उहाँलाई अवार्ड प्रदान गरिएको हो । उक्त देउडा गितमा सपना शाही, र धिरेन्द्र शाहीको स्वर रहेको छ भने गीतमा शब्द नेमबहादुर शाही र लय धिरेन्द्र शाहीको रहेको छ।
अन्तराष्ट्रिय स्तरको अवार्डले आफुलाई अझ उत्साही बनाएको र जिम्मेवारी थपेको भन्दै संगीत क्षेत्रमा अझ बढि साधना गर्ने उहाँको भनाई छ । विभिन्न स्टेज शोहरुमा बाक्लै देखिने शाहीका झण्डै तीन दर्जन गीत रेकर्ड छन् ।
चण्डीगढको अवार्ड कार्यक्रममा नेपालबाट गएका झण्डै तीन दर्जन कलाकारहरुलाई विभिन्न विधामा सम्मान गरिएको छ ।
प्रतिक्रिया