भेरी करिडोरका निर्माणाधीन पुलको अनुगमन
![भेरी करिडोरका निर्माणाधीन पुलको अनुगमन](https://snowberry.prixacdn.net/media/gallery_folder/bheri_IH2ulEPfdt_dnmbhmtuh7kf0c5zksvttrm3hhtqlh7xdniapzmocuxltudgv70k2wa5xfen_fFHmlIeVWg_xip6s59k7m7eivqnmyk9idvmambr1ympeudkwlhvvxx2rmx8odixzbhy50gc.jpg)
सुर्खेत - भौतिक पूर्वाधार तथा सहरी विकासमन्त्री शेरबहादुर बुढाले भेरी करिडोरका निर्माणाधीन पुल तथा सडकको निरीक्षण गर्नुभएका छ ।
करडोरका १३ वटा पुल तथा तीन सय १६ किलोमिटर सडकखण्डमध्ये ५६ किलोमिटर क्षेत्रमा भइरहेको कामको जानकारी लिनुका साथै निर्माण व्यवसायीलाई काममा तीव्रता दिन मन्त्री बुढाले निर्देशन दिनुभएको छ । उहाँले निर्माण व्यवसायीलाई ताकेता गरी काममा फर्काउन भेरी करिडोर आयोजनाका प्रमुख सुनिल रञ्जितकारलाई निर्देशन दिनुभएको हो ।
निर्माणाधीन तल्लुस्थित पुल लामो समयदेखि निर्माण व्यवसायीको ढिलासुस्तीका कारण अलपत्र परेको गुनासो बढिरहेकामा मन्त्री बुढाले मन्त्रालयका सचिव, आयोजना प्रमुख तथा निर्माण व्यवसायीलाई एकै ठाउँमा राखेर छलफल गर्नुभएको छ ।
डोल्पाको दुनैबाट उपल्लो डोल्पाको तिन्जे लासिक्यापसम्म सडक निर्माण गर्न ठेक्का लागे पनि काम सन्तोषजनक नभएको स्थानीयको गुनासो छ ।
प्रतिक्रिया