सल्यानमा नदीमा डुबेर दुई जनाको मृत्यु

सल्यान  -  सल्यानमा नुहाउने क्रममा बबई नदीमा डुबेर ४ वर्षीय बालक सहित दुई जनाको मृत्यु भएको छ । जिल्लाको कालिमाटी गाउँपालिका ७ सल्यानथरीका ३७ वर्षीय दिल बहादुर कार्की र ४ वर्षीय बालक सुवास परियारको मृत्यु भएको जिल्ला प्रहरी कार्यालय सल्यानले जनाएको छ । 

शनिबार दिउँसो बबई नदीमा नुहान गएका अबेरसम्म घर नर्फिएपछि खोज तलास गर्ने क्रममा कार्कीको घरदेखि करिब १ किलोमिटर तल रातिको करिब १२ बजे फेला पारी भेरी अस्पताल नेपालगञ्ज पु¥याउदा डाक्टर मृत घोषणा गरेको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले जानकारी दिनुभयो । मृत्तक दुवैको शव पोष्टमार्टमका लागि नेपालगञ्जको शवगृहमा राखिएको उहाँको भनाई छ ।