इजरायली सेनाद्वारा गाजाका अस्पताल तथा मानव बस्तीमा आक्रमण जारी
![इजरायली सेनाद्वारा गाजाका अस्पताल तथा मानव बस्तीमा आक्रमण जारी](https://snowberry.prixacdn.net/media/gallery_folder/gajaa_Xby25anmq8_qy3elle4pqinkyuwf6wuwkafkko8i541wjboklluar1dp4csem7fxizknfjy_atptcZD1ze_7kyhf4vxxoeofw2ylgb03dc3yfefxnduofamfd8f5bwvgo8oc2hbiw8lw7dc.jpg)
काठमाडौँ - इजरायली सेनाले गाजाका अस्पताल तथा मानव बस्तीमा आक्रमण जारी राखेको छ । पछिल्लो समय इजरायली सेनाले उत्तरी गाजाको जबलिया शरणार्थी शिविरमा रहेको एक अस्पतालमा आक्रमण गर्दा बालबालिकासहितका नागरिक घाइते एका छन् । इजरायली सेनाले अस्पताल नजिकैको आवासीय क्षेत्रमा पनि बम आक्रमण गरेर ध्वस्त बनाएको छ ।
इजरायलले निरन्तर आक्रमण गरिरहँदा गाजामा सहायता संस्थाहरूले पठाएका भनिएको पाँच सय ६९ टन मानवीय सहायता प्रभावित क्षेत्रमा पुग्न सकेको छैन । त्यहाँ भोकै रहेका प्यालेस्टिनीलाई राहतमा आएका खाद्यान्न वितरण गर्नसमेत नसकिएको अन्तर्राष्ट्रिय समाचार संस्था अलजजिराले जनाएको छ ।
संयुक्त राष्ट्र सङ्घको विश्व खाद्य कार्यक्रमले गाजामा मानवीय सहायताका सबै कार्यक्रम बन्द हुने चेतावनी दिँदै तत्काल ठूलो परिमाणमा खाद्यान्न नपुग्दा अनिकालको अवस्था आउने जनाएको छ ।
प्रतिक्रिया