दैलेखमा 'नेपाल प्रधानाध्यापक संघ' स्थापना
![दैलेखमा 'नेपाल प्रधानाध्यापक संघ' स्थापना](https://snowberry.prixacdn.net/media/gallery_folder/3cf4e358-6c1e-4e5c-810f-0be4c4ab0fad_52vzqb3dSy_agawoawko0qac0e0vz1wjbpjm8lllsbo3tdtdsrp8ejyxfswvofgytkbfw8f_8o1jAE6X5Q_0whc3xttcolpnb3bazmlvfugw8auwjlv9krfus099ey490vjicyz7jvkskzz.jpeg)
दैलेख - विद्यालयका प्रधानाध्यापकहरुको अग्रसरतामा नेपाल प्रधानाध्यापक संघ नामको छाता संगठन स्थापना भएको छ । नेपालभर एकै साथ ७७ वटै जिल्ला शाखा गठन गर्ने आजको कार्यसूची अनुसार कर्णाली प्रदेश समितिका उपाध्यक्ष भक्तबहादुर शाहीको उपस्थितिमा दैलेखमा आज संघको स्थापना भएको छ ।
महेन्द्र मावि सोतका प्रधाध्यापक धनबहादुर रोकायको अध्यक्षतामा १९ सदस्यीय समिति निर्विरोध चयन गरिएको बताइएको छ । उपाध्यक्षमा दानबहादुर कठायत, सचिव घनश्याम रेग्मी, सहसचिव बलराम जैसी, कोषाध्यक्ष नारायणप्रसाद जैसी चयन हुनुभएको छ ।
नेपाल प्रधानाध्यापक संघका जिल्ला सदस्यहरु तेजबहादुर बिक, टिकाकुमारी थापा, रामप्रसाद खनाल, जनक कार्की, पदम कठायत, तारा रिजाल, धनबहादुर बुढा, तीर्थराज थापा, रेशम भट्टराई, माण्डबी सिंह चयन हुनुभएको छ । संघको जिल्ला सल्लाहकार समितिमा निरक तारामी, देबीराम आचार्य र सन्तबहादुर खड्का हुनुभएको छ ।
नेपाल प्रधानाध्यापक संघ कर्णाली प्रदेश समितिका उपाध्यक्ष भक्तबहादुर शाहीले प्रधानाध्यापकहरुले सम्पादन गर्दै आएको कामल स्वविवेक र स्वच्छ वातावरणमा गर्न पाए सिर्जनशीलता देखाउन सकिने बताउनुभयो ।
संघको प्रथम जिल्ला सम्मेलनको उद्घाटन गर्दै जिल्ला समन्वय समितिका उपप्रमुख केशवबहादुर शाहीले सरकारी विद्यालयहरुको शैक्षिक गुणस्तर सुधार गर्न प्रधानाध्यापकहरुले लगनशीलता बढाउन पर्ने सुझाव दिनुभयो ।
प्रतिक्रिया