सल्यानमा मिनी ट्रक दुर्घटना हुँदा चालकको मृत्यु
![सल्यानमा मिनी ट्रक दुर्घटना हुँदा चालकको मृत्यु](https://snowberry.prixacdn.net/media/gallery_folder/accc_4HHcIQwqIf_h4rws1xdvfsglcmoct7lr5pkbmmnwfxj1dnnahffurjqowhuqbxldrs0t1km_8ZKdzYNuDK_w6dacqtu1vhbkqb9ncogvhfjqxsrb9qk2didtubb6hfkhmvywy3xeo8lgwb1_WPI0gaDdge_04qvklxmafm0erflneja9faqhxb0iurlizwkhfk98ty9mwpju24aceknvtb7_M0uNxskRqB_28fcrnpfgcvccjdiqncc8udwoi1ki7y6exb2etpef84wl1d5h1kyjnclgio1_Ps8t93LSpf_ndklnyko3uxot5tyevxwxl03ixk5m1mozb0nqbn6x7fts6s51vohmmbeafyn.png)
सल्यान - सल्यानमा मिनी ट्रक दुर्घटना हुँदा चालकको मृत्यु भएको छ । मृत्यु हुनेमा छत्रेश्वरी गाउँपालिका–६ का २६ वर्षीय सुकलाल घर्ती छन् ।
आइतबार बेलुका कपुरकोट गाउँपालिका–३ अरिङ्गाले फेदी भन्ने स्थानको राप्ती राजमार्गमा श्रीनगरतर्फ जाँदै गरेको रा १ ख १९१६ नम्बरको मालसामान बोकेको मिनीट्रक अनियन्त्रित भई दुर्घटना भएको थियो ।
ट्रक सडकदेखि ३ मिटर तल खसेको सल्यान प्रहरीले जनाएको छ । यस्तै ट्रकका सहचालक बनगाड कुपिन्डे नगरपालिका–९ का २१ वर्षीय तेज बहादुर बुढाथोकी घाइते भएका छन् । उनको श्रीनगरको स्थानीय स्वास्थ्य संस्थामा उपचार भइरहेको छ ।
प्रतिक्रिया