सातदोबाटोमा ट्रकले ठक्कर दिँदा एक जना पैदलयात्रीको मृत्यु
![सातदोबाटोमा ट्रकले ठक्कर दिँदा एक जना पैदलयात्रीको मृत्यु](https://snowberry.prixacdn.net/media/gallery_folder/accident.jpg_m57CxjEJpj_b8f836bnrzrf2lkgkavuxxlpppqtxa7ly9nkmnhsklcpoqsw7qc1f8ovihpo_Hh3BVi0wlb_cy7m7vflcd2wxsms0t6cfvduefpxptp4baprzchta6m6evcvxyese0qb1hwb.jpg)
ललितपुर - ललितपुरको सातदोबाटोमा ट्रकले ठक्कर दिँदा एक जना पैदलयात्रीको मृत्यु भएको छ। सोमबार मध्यान्ह बाटो काट्ने क्रममा ना ८ छ ७५०६ नम्बरको ट्रकले एक महिलालाई ठक्कर दिएको थियो ।
काभ्रेपलाञ्चोक जिल्ला धुलिखेल बस्ने ४० वर्षीय अप्सरा दाहालको मृत्यु भएको प्रहरीले जानकारी दिएको छ। उनी ललितपुरको बाँडेगाउँमा आफन्तकोमा जान लागेकी थिइन् । सोही क्रममा उनलाई ट्रकले ठक्कर दिएको थियो ।
घटनापछि उनलाई पाटन अस्पताल लगिएको थियो। त्यहाँ उपचारको क्रममा उनको मृत्यु भएको ललितपुर जिल्ला प्रहरी परिसरका एपसी नरेशराज सुवेदीले जानकारी दिनुभयो ।
प्रहरीले गाडी र चालकलाई नियन्त्रणमा लिएको छ। घटनाबारे थप अनुसन्धान भइरहेको एसपी सुवेदीले जनाएको छ।
प्रतिक्रिया