यार्सागुम्बा टिप्न गएकी युवतीको मृत्यु
![यार्सागुम्बा टिप्न गएकी युवतीको मृत्यु](https://snowberry.prixacdn.net/media/gallery_folder/Symbolic%252520Picture_1H1FP9tocI_tki2hyggat0iitqf0arro4eu6gprcdytfgv5za2rpa5zntv1b3vmfphktk80_lgWQqtVIRq_8nussfcyrun4bhroqkhpb6ompojflkwmczgcayk9t1kfx6dstq4vcnxr6a04_aLVQfISM5f_w9dh3wtwscc5pm2ywqx2qgltcrjpmtymz0ymbg4xil9qauf1gszqz2zcb725.webp)
रुकुमपश्चिम - यार्सागुम्बा टिप्नको लागि डोल्पा गएकी रुकुम पश्चिमको आठबीसकोट नगरपालिका वडा नम्बर ४ गोतामकोेटकी एक युवतीको मृत्यु भएको । गोतामकोेट बिष्ट गाउँकी २२ वर्षिया जमुना बिष्टको सोमबार लेक लागेर मृत्यु भएको हो । डोल्पाको काईके गाउँपालिकाको लैनी माथिको डाँडामा पुगेको बेला विष्टको मृत्यु भएको वडा अध्यक्ष नरसिंह बिष्टले जानकारी दिनुभयो ।
उहाँका अनुसार यार्सागुम्बा टिप्नको लागि डोल्पाको नाउरे भन्ने ठाँउमा पुगेको बेला विष्ट लेक लागेर बिरामी पर्नुभएको थियो । बाटोमै विरामी भएपछि यार्सागुम्बा टिप्न सँगै गएका बहिनी र भेनासँग घर फकिर्दै गर्दा बाटोमै मृत्यु भएको हो । बाटोमै मृत्यु भएपछि नेपाल शसस्त्र प्रहरी बलको सहयोगमा शव राती १२ बजे डोल्पा जिल्ला अस्पताल दुनैमा ल्याएको थियो ।
अहिले अस्पतालमा पोष्टमार्टम गर्ने तयारी भइरहेको र पोष्टर्माटम पश्चात शव गोतामकोटमै ल्याइने वडा अध्यक्ष विष्टले जानकारी दिनुभयो । मृतक विष्टले हिमालय मावि तल्लु जाजरकोटबाट प्रामाणपत्र तह अध्यन पुरा गर्नुभएको थियो । कखरा
प्रतिक्रिया