वालिङमा विद्यार्थीलाई कपाल काट्ने सीप
![वालिङमा विद्यार्थीलाई कपाल काट्ने सीप](https://snowberry.prixacdn.net/media/gallery_folder/hair_8DOkz99Q2l_34dsxxmzefovh5gqeyxiagwphcwit4loysfcurujg6twyi2zqd6twoakytbn_YdLyDg2Nbr_xgdtawwpt02qu9sh4ggkxd9n3kkqeyknoomrkro1isifqexvzillfqkxslay.jpg)
काठमाण्डौ – स्याङ्जाको वालिङ नगरपालिका–९ मा रहेको भुम्रे माध्यमिक विद्यालयले विद्यार्थीलाई कपाल काट्ने सीप सिकाउन तालिम शुरु गरेको छ ।
व्यावहारिक सीपमार्फत विद्यार्थीलाई आत्मनिर्भर बनाउने उद्देश्यले तालिम थालिएको विद्यालयका प्रधानाध्यापक तिलकप्रसाद पराजुलीले बताउनुभयो । जिल्लाकै पुरानो सामुदायिक विद्यालय कक्षा १० सम्म सञ्चालनमा रहेको छ ।
विद्यालयले कक्षा ८, ९ र १० मा अध्ययनरत इच्छुक छात्रछात्रालाई निःशुल्क रूपमा कपाल काट्न तालिम सञ्चालन गरेको हो । सामुदायिक विद्यालयमा विद्यार्थीको चाप घट्दै गएको भन्दै भुम्रे माविले प्रयोगात्मक विधिमार्फत विद्यार्थी आकर्षण गर्ने प्रयास गरेको हो ।
प्रतिक्रिया