गर्मी बढेर पठनपाठनमै समस्या भएपछि हरिवनका विद्यालयमा ५ दिन बन्द हुने
![गर्मी बढेर पठनपाठनमै समस्या भएपछि हरिवनका विद्यालयमा ५ दिन बन्द हुने](https://snowberry.prixacdn.net/media/gallery_folder/School%252520bida_KpEaFZ2Mwa_jmjprwii5hx4pvympn50ftlixkh0awdxpjtjwejd1hopcklyaonrfz0ov181_QkQfsGDZi4_6dtdazl45whfzjwpcdpnx4qkpfi67s8y1vysrurtzz8xtyskmsnafrtcu2qs_5tAHBM4VOK_6slqvlqan9vq0ivokviaajoqtvkd8npy5p4romzzibzoludrfaoudxpg4ghs.jpg)
काठमाडौँ - गर्मी बढेर बालबालिकाको पठनपाठनमै समस्या भएपछि सर्लाहीको हरिवन नगरपालिकाका विद्यालय पाँचदिन बन्द हुने भएका छन्।
आज (मंगलबार) बाट आगामी असार १ गतेसम्मका लागि हरिवन क्षेत्रका सबै विद्यालय बन्द भएका भएका हुन्।
हरिवन नगरपालिकाका मेयर रमेश बुढाथोकीले सोमबार सूचना जारी गर्दै चर्को घाम, उच्च तापक्रम र तातो हावामा पठनपाठन सञ्चालन गरिरहँदा विद्यार्थीको स्वास्थ्यमा प्रतिकूलअसर पर्ने देखिएकाले बिदा दिइएको उल्लेख छ।
नगरपालिकाले आजदेखि शुक्रबारसम्म (चारदिन) नगरभित्रका सम्पूर्ण विद्यालय बन्द रहने जानकारी दिएको हो। तर, असार १ गते शनिबार परेकाले आजबाट बिदा भएका हरिवन क्षेत्रका विद्यालय अब ६ दिनपछि ९असार २ देखि० मात्रै सञ्चालनमा आउने छन्।
प्रतिक्रिया