टिपर दुर्घटना हुँदा गुल्मीमा एक जनाको मृत्यु
![टिपर दुर्घटना हुँदा गुल्मीमा एक जनाको मृत्यु](https://snowberry.prixacdn.net/media/gallery_folder/accc_4HHcIQwqIf_h4rws1xdvfsglcmoct7lr5pkbmmnwfxj1dnnahffurjqowhuqbxldrs0t1km_8ZKdzYNuDK_w6dacqtu1vhbkqb9ncogvhfjqxsrb9qk2didtubb6hfkhmvywy3xeo8lgwb1_WPI0gaDdge_04qvklxmafm0erflneja9faqhxb0iurlizwkhfk98ty9mwpju24aceknvtb7_M0uNxskRqB_28fcrnpfgcvccjdiqncc8udwoi1ki7y6exb2etpef84wl1d5h1kyjnclgio1_UVAzv745eR_9sm574p87qu8it7coe29dpkmpsyrtmv3oamatkdzriia3mghtzryq6udfcwi_hPwob9V4K4_xzrzs4gavzlcuxppah2virzkv1lw1ebd8uxlgz32in8bbqx84rjdijm3vcx7.png)
गुल्मी – गुल्मीमा टिपर दुर्घटना हुँदा एक जनाको ज्यान गएको छ । अर्घाखाँचीको छत्रदेव गाउँपालिका–७ नेटाबाट गुल्मीको सदरमुकाम तम्घासको देउराली आउँदै गरेको ना ८ ख ६६४४ नम्बरको टिपर गए राति दुर्घटना भएको हो ।
दुर्घटनामा टिपर चालक अर्घाखाँचीको सन्धिखर्क नगरपालिका–८ का २६ वर्षीय रामलाल पुरीको ज्यान गएको जिल्ला प्रहरी कार्यालय गुल्मीका प्रहरी नायब उपरीक्षक शंकर पोखरेलले जानकारी दिनुभएको छ ।
दुर्घटनामा घाइते भएका अर्घाखाँचीको शीतगङ्गा नगरपालिका–२ का २९ वर्षीय नवीन घिमिरे र सन्धिखर्क–८ का ३३ वर्षीय रिसभ केसीलाई थप उपचारका लागि पाल्पा रिफर गरिएको प्रहरीले जनाएको छ ।
प्रतिक्रिया