काठमाडौँ उपत्यकामा पनि वर्षाको सम्भावना
काठमाडौँ - आज (मंगलबार) काठमाडौँ उपत्यकामा पनि वर्षाको सम्भावना रहेको मौसमविद्ले बताएका छन्। मौसम पूर्वानुमान महाशाखाका मौसमविद् गोविन्द झाका अनुसार काठमाडौँ उपत्यकामा अपराह्न वा साँझपख हल्का वर्षा हुने सम्भावना छ।
यतिखेर (मंगलबार बिहान ७ बजे) भने काठमाडौँ उपत्यकाको मौसम आंशिकदेखि साधारणतया बदली (कतै बाक्लो त कतै पातलो बादल) छ’, उहाँले भन्नुभयो , ‘आज दिनभर उपत्यकाको मौसम बदली बदलीकै अवस्थामा रहने सम्भावना छ।’
यसैबीच आज बिहान ५:४५ बजेको रेकर्डमा काठमाडौँ उपत्यकाको न्यूनतम तापक्रम २१.८ डिग्री सेल्सियस देखिएको जानकारी पनि मौसमविद् झाले बताउनुभयो । आज उपत्यकाको अधिकतम तापक्रम भने २९ देखि ३१ डिग्री सेल्सियससम्म रहने अनुमान गरिएको महाशाखाले जनाएको छ।
प्रतिक्रिया