वर्षाका कारण पहिरो जाँदा मुसिकोटको गाउँ उच्च जोखिममा
वर्षा नरोकिएको र पहिरो झरिरहेका कारण गाउँ नै त्रसित
![वर्षाका कारण पहिरो जाँदा मुसिकोटको गाउँ उच्च जोखिममा](https://snowberry.prixacdn.net/media/gallery_folder/musikot_7w6IAY7NnK_7cfomnwlxebwltnm5fgunrx5h0ciat1dnyjqzxae9zq8wxd6zsk3zvrlkqcs_Z2XSR05uIQ_3ektrux8bvcwxzef5sbs0vumizmynw1xrbrujjcr5ltdrdhrgibvbdlahl3m.jpeg)
रुकुमपश्चिम - निरन्तर परेको अविरल वर्षाका कारण पहिरो जाँदा रुकुम पश्चिमको मुसिकोट नगरपालिका ११ नम्बर वडाको एक गाउँ नै उच्च जोखिममा परेको छ । बिहीबार राती देखि लगातार परिरहेको झरीका कारण वडाको रिठाबोटको बस्ती नै उच्च जोखिममा परेको हो ।
गाउँ मुनिबाट निरन्तर झरिरहेको पहिराका कारण स्थानीय कर्णबहादुर खत्री, वीरबहादुर खत्री, दलबहादुर खत्री, तेजबहादुर खत्री र रामबहादुर खत्रीको घर पहिरोको उच्च जोखिममा रहेको स्थानीय विनोद केसीले जानकारी दिनुभयो ।
वर्षा नरोकिएको र पहिरो झरिरहेका कारण गाउँ नै त्रसित रहेको उहाँले बताउनुभयो । उक्त परिवार जोखिम मोलेर घरमै बसिरहेका छन् । त्यस्तै स्थानीय जनप्रतिनिधि र प्रहरीको संयुक्त टोलीले घटनास्थलमा पुगेर पहिरोको अनुगमन समेत गरेको छ ।
पहिरोबाट कति क्षति भयो भन्ने यकिन विवरण भने आइ नसकेको वडा सचिव धनकुमार शाहीले जानकारी दिनुभयो ।
प्रतिक्रिया