जोखिममा रहेका च्याउपानीका ११स्थानीयवासीलाई सारियो सुरक्षित स्थानमा
![जोखिममा रहेका च्याउपानीका ११स्थानीयवासीलाई सारियो सुरक्षित स्थानमा](https://snowberry.prixacdn.net/media/gallery_folder/pahiroo_AwW6GJNQx2_mfp71omfklaxtjrn5jev6td4zomrhvu9dto1adcqipworc2i2mgsxijdyxrh_sdFKhvA0kg_1t3nv97tgwzbqduzlfdxycifqi9rb4owuwuwbpy2yx8plaawwplhdoca08p5.jpg)
सुर्खेत - भूकम्पका कारण जोखिममा रहेका जाजरकोटको भेरी नगरपालिका–१ च्याउपानीका स्थानीयवासीलाई सुरक्षित स्थानमा सारिएको छ । गत कात्तिक १७ गते रामीडाँडा केन्द्रविन्दु भएर गएको भूकम्पले सो स्थानलाई बस्न जोखिम बनाएको थियो ।
जिल्ला प्रहरी कार्यालय जाजरकोटको सहयोगमा सो गाउँका ११ परिवारलाई पहिरोबाट जोगाउन सुरक्षित ठाउँमा सारिएको हो । कार्यालयका प्रहरी सहायक निरीक्षक वीरबहादुर थापाले भेरी–१ च्याउपानीका पहिराको उच्च जोखिममा रहेका ११ घरपरिवारलाई अन्यत्र सारिएको जानकारी दिनुभयो ।
ती मध्ये छ परिवारलाई भेरी–१ मेदेगाउँको खुला चौर र अन्यलाई आफन्तकहाँ तत्कालका लागि बस्ने व्यवस्था मिलाएको वडाध्यक्ष दीपक रानाले बताउनुभयो ।
त्यस्तै चार दिनदेखि अवरुद्ध भएको लुम्बिनी– रारा राजमार्गअन्तरर्गत जाजरकोटकोटको भेरी–२ का विभिन्न ठाउँमा पहिरो जाँदा यातायात सेवा अवरुद्ध भएको छ । उक्त सडक खुलाउन पहल नभएको स्थानीयवासी पुष्प ओलीले बताउनुभयो ।
प्रतिक्रिया