पहिरोले गोठ बगाउँदा भेट्टेचौरका एक बालकको मृत्यु
![पहिरोले गोठ बगाउँदा भेट्टेचौरका एक बालकको मृत्यु](https://snowberry.prixacdn.net/media/gallery_folder/Pahiro_F1vd2bMPrU_AJq9Lsyt8C_eseoyvxwsun9bsj78e5pvtxghwubuxa6l9wbqi6p4y69qipnjkiwarsyaukv_q7AfYqPGSR_grgacc7ookxazdwn4ksvi5f4xaeofntfg9ppgpuwcbm9uu6nzlvtnmifq7iz.jpg)
रुकुम - निरन्तरको वर्षा सँगै आएको पहिरोले गोठ बगाउँदा रुकुम पूर्व सिस्ने गाउँपालिका वडा नम्बर -१ भेट्टेचौरका एक बालकको मृत्यु भएको छ । गए राति गोठ माथिबाट पहिरो झरेपछि कर्णबहादुर बुढाका ११ वर्षीय छोरा संगम बुढाको मृत्यु भएको हो ।
कर्णबहादुर सहित उहाँकी श्रीमती गोमा बुढा र छोरी तिलसरा बुढाको अवस्था गम्भीर रहेको रुकुम पुर्वका प्रमुख जिल्ला अधिकारी माधवप्रसाद शर्माले जानकारी दिनुभयो ।
कर्णबहादुरको परिवार केहि दिन अघिबाट सिस्ने गाउँपालिका वडा नम्बर २ को दल्लुगैरा भन्ने ठाउँमा भैँसी सहित परिवार बस्दै आएको थियो । २ घण्टा लामो पैदल यात्रा गरी प्रहरी टोली घटनास्थल पुगी घाइतेहरुको उद्धार गरेको प्रजिअ शर्माले जानकारी दिनुभयो ।
प्रतिक्रिया