जम्मू–कश्मीरमा आतङ्कवादी र सुरक्षाकर्मीबीच झडप
![जम्मू–कश्मीरमा आतङ्कवादी र सुरक्षाकर्मीबीच झडप](https://snowberry.prixacdn.net/media/gallery_folder/bharat_QP2b0jjJuu_vzaf5dr19vgzv3rqufbunwetrygwe286fkhgs1ijmlzrzkh5nlbyyrvnl2j8_eCfSCzjJnP_ntycez8gwuy5b36bdjvfrsyal393gccf7ofhvylk0txg9cvmi2zewqxl33it.jpg)
भारत जम्मू कश्मीरको डोडा जिल्लामा आतङ्कवादी समूह र सुरक्षाकर्मीबीच झडप भएको छ । भारतीय सेनाले डोडाको जङ्गलमा खोजी अभियान चलाइरहेको र गएराति झडपको घटना भएको हो ।
अभियानकैक्रममा आतङ्कवादी समूहले चलाएको गोली लागेर सेनाका एक क्याप्टेनसहित चार सैनिक र एक जना प्रहरीको ज्यान गएको सुरक्षा निकायलाई उद्धृत गरी भारतीय सञ्चारमाध्मयले जनाएका छन् ।
झडपमा घाइते भएका उनीहरुको उपचारका क्रममा ज्यान गएको हो । घटनाको कश्मीर टाइगर्स नामक सङ्गठनले जिम्मेवारी लिएको छ । डोडा जिल्लाको जङ्गल क्षेत्रमा अहिले पनि सेनाले हेलिकप्टरबाट खोजी अभियान चलाइरहेको छ ।
प्रतिक्रिया