साउन ६ गते प्रधानमन्त्री ओली विश्वासको मत लिँदै
![साउन ६ गते प्रधानमन्त्री ओली विश्वासको मत लिँदै](https://snowberry.prixacdn.net/media/gallery_folder/kp%2520oli_97dc02fsiv_q4ycog5j1jvbj2mea4sh5cxwwexzkyp0daqx0idrr8easgbnnhiiikgzejth_S6M0CnqwhP_gv0tyblqktl1rk6h2a7vi35exkzk858zdb5mldfdho6ikq8hkas0nph1atlh.jpg)
काठमाडौँ - प्रधानमन्त्री केपी शर्मा ओलीले यही साउन ६ गते आइतबार प्रतिनिधिसभाबाट विश्वासको मत लिनेहुनु भएको छ । प्रधानमन्त्री ओलीले सङ्घीय संसद्, प्रतिनिधिसभाबाट उक्त दिन विश्वासको मत लिनुहुने तय भएको नेपाल कम्युनिष्ट पार्टी (एमाले)का मुख्य सचेतक महेशकुमार बर्तौलाले जानकारी दिनुभयो ।
नेपालको संविधानको धारा ७६ (२) अनुसार नेकपा (एमाले)का अध्यक्ष केपी शर्मा ओली गत असार ३० गते प्रधानमन्त्रीमा नियुक्त हुनुभएको थियो । प्रतिनिधिसभाको सबैभन्दा ठूलो दल नेपाली कांग्रेसको समर्थनमा एमाले संसदीय दलका नेता ओली चौँथो पटक प्रधानमन्त्री हुनुभएको हो ।
संविधानको धारा ७६ (४) बमोजिम उहाँले विश्वासको मत लिन लाग्नुभएको हो । दुई वा दुई भन्दा बढी दलको समर्थनमा नियुक्त प्रधानमन्त्रीले ३० दिनभित्र प्रतिनिधिसभाबाट विश्वासको मत लिनुपर्ने संवैधानिक प्रावधान छ ।
प्रतिक्रिया