लुम्बिनीका नवनियुक्त मुख्यमन्त्री आचार्यको शपथ बुधबार हुने
![लुम्बिनीका नवनियुक्त मुख्यमन्त्री आचार्यको शपथ बुधबार हुने](https://snowberry.prixacdn.net/media/gallery_folder/chetnarayan-achrya-1024x612-1721635489_iD8rF8Rwmn_rxp2ralysp0u5ztvveenozorbhtixwknqyepa0zwidplch7mse6or3i7orkz_NVqnGvuYRQ_pol238utu0cqhkhburofw0h4pobwglnykg9weld6zdagcgm53yli5a2k5fst.jpg)
दाङ - लुम्बिनी प्रदेशका नवनियुक्त मुख्यमन्त्री चेतनारायण आचार्यको शपथ तथा पदभार ग्रहण बुधबार हुने भएको छ ।
प्रदेश प्रमुख कार्यालयका प्रवक्ता धर्मा अर्याल बेलबासेका अनुसार बुधबार बिहान ८:३० बजे शपथ तथा पदभार ग्रहण कार्यक्रम तय गरिएको छ । बुटवलस्थित प्रदेश प्रमुखको कार्यालयमा शपथग्रहण हुने भएको हो ।
कांग्रेस र एमालेका ५६ सांसदको समर्थनमा एमाले संसदीय दलका उपनेता आचार्यलाई सोमबार मुख्यमन्त्री नियुक्त गरिएको हो ।
प्रदेश प्रमुख अमिक शेरचनले अर्घाखाँची क्षेत्र नं १ (१) बाट निर्वाचित आचार्यलाई मुख्यमन्त्री नियुक्त गर्नुभएको हो । संसद्मा एमालेका २९ र कांग्रेसका २७ सांसद छन् ।
प्रतिक्रिया